तीन गुन्ह्यांतील सराईत मंचर पोलिसांच्या ताब्यात

प्रतिनिधी आनंद नेटके :

गुढी पाडव्यानिमित्त मंगळवारी (दि. ९) मंचर शहरातील बजरंग दलाचे वतीने मिरवणुकीचे आयोजन केले होते. मिरवणुकीसाठी योग्य तो बंदोबस्त लावण्यात आलेला होता. मिरवणुक बंदोबस्त चालु असताना रात्री ९ च्या सुमारास मंचर पोलीस स्टेशनचे पोलीस निरीक्षक अरूण फुगे यांना बातमीदारामार्फत बातमी मिळाली की, मंचर पोलीस स्टेशन व खेड पोलीस स्टेशनचे गुन्हयातील फरारी सराईत आरोपी शुभम सुभाष तोत्रे (रा. पॅराडाईज सोसायटी, मंचर) हा मंचर येथील लक्ष्मीरोड येथे येणार आहे. 

अशी खात्रीशीर बातमी मिळाल्याने पोलीस निरीक्षक अरूण फुगे यांनी लागलीच मिळालेल्या बातमीचा आशय सहाय्यक पोलीस निरीक्षक बालाजी कांबळे, पोलीस हवालदार एस.एन. नाडेकर व मंचर पोलीस स्टेशन स्टेशनचे गुन्हे शोध पथकाचे, पोलीस अंमलदार अविनाश दळवी, पोलीस अंमलदार अजित पवार, पोलीस अंमलदार योगेश रोडे यांना सांगितल्याने सहा पोलीस निरीक्षक कांबळे व सोबतचे पोलीस स्टाफने लक्ष्मी रोड येथे जावुन सापळा लावुन थांबलेले असताना रात्रौ ९.३० च्या सुमारास शुभम तोत्रे हा लक्ष्मी रोड येथे मिरवणुकीच्या गर्दीत दिसला. शुभम तोत्रे याला पोलीसांची चाहुल लागताच तो पळुन गेला; परंतु तो पळून जात असताना सहा पोलीस निरीक्षक कांबळे व त्यांचे सोबतचे पोलीस स्टाफने आरोपी शुभम तोत्रे याचा मंचर एस टी स्टँड पर्यंत पाठलाग करून त्याला पकडले असुन आरोपीस शिताफीने पकडले असुन आरोपीस ताब्यात घेवुन अटक केली आहे. आरोपी शुभम सुभाष तोत्रे हा सराईत गुन्हेगार असुन त्याचेवर मंचर पोलीस स्टेशनला एकुण तीन गंभीर स्वरूपाचे गुन्हे दाखल असुन खेड येथे खुनाचा प्रयत्न असा गंभीर स्वरूपाचा गुन्हा दाखल आहे. आरोपीवर एकुण चार गुन्हे दाखल आहे सध्या आरोपी पोलीस कस्टडी रिमांडमध्ये आहे.

सदरची कामगिरी पोलीस अधिक्षक पंकज देशमुख, अपर पोलीस अधिक्षक रमेश चोपडे, सुदर्शन पाटील उप विभागीय पोलीस अधिकारी खेड विभाग खेड, पुणे ग्रामीण, मा पोलीस निरीक्षक अरूण फुगे, यांचे मार्गदर्शनाखाली सहा पोलीस निरीक्षक बालाजी कांबळे, पोलीस हवालदार एस एन नाडेकर, व मंचर पोलीस स्टेशन स्टेशनचे गुन्हे शोध पथकाचे, पोलीस अंमलदार अविनाश दळवी, पोलीस अंमलदार अजित पवार, पोलीस अंमलदार योगेश रोडे यांनी केली आहे.