समर्थ भारत

समर्थ भारत वृत्तसेवा नारायणगाव ता. २९ : छत्रपती शिवाजी महाराजांचे जन्मस्थळ म्हणून ओळख असलेल्या शिवजन्मभूमीत (ता.जुन्नर) जगातील पहिले छत्रपती शिवाजी महाराजांचे सुवर्ण मंदिर उभे राहणार असल्याची घोषणा माजी आमदार शरद सोनवणे यांनी केली आहे. त्यासाठी शिवनेरी किल्ल्याच्या पायथ्याशी असलेल्या गोदरे (ता.जुन्नर) गावातील २५ एकर जागा निश्चित करण्यात आली आहे. माजी आमदार शरद सोनवणे यांच्या वाढदिवसाच्या निमित्ताने जुन्नर तालुक्यात २९ तारखेला सर्वात मोठी घोषणा होणार असल्याचे होर्डिंग लावले होते. त्यामुळे सर्वात मोठी कोणती घोषणा होणार याकडे जुन्नरकरांचे लक्ष लागून राहिले होते. छत्रपती शिवाजी महाराजांचे सुवर्ण मंदिर निर्माण करताना प्राचीन पद्धतीचे भव्य दिव्य महाद्वार व तटबंदी बांधण्यात येणार आहे. महाराजांच्या जीवनावर आधारित सुसज्ज ग्रंथालय, शिवभक्तांसाठी भोजनालय, छत्रपती शिवाजी महाराजांच्या संपूर्ण जीवनावर आधारित चित्रफीत, लघुपट सभा मंडप, संग्रहालय, लेझर वॉटर शोसाठी ॲम्पी थिअटर, छत्रपती शिवाजी महाराजांचे सोन्याचा मुलामा असलेले मंदिर व महाराजांची सुवर्णमूर्ती यासह अनेक सुविधा निर्माण करण्यात येणार आहे. मं...

मंचर ता. २५ : मंचर (ता. आंबेगाव) येथील छत्रपती संभाजी महाराज चौकात राहणारा आणि घराजवळच लघु शंकेसाठी गेलेला युवक शुक्रवारी रात्री (दि. २२ सप्टेंबर) बेपत्ता झाला असून अमोल संभाजी देठे (वय २२) असे या युवकाचे नाव आहे. सदर युवक कुठेही आढळल्यास खालील नंबरवर संपर्क साधावा. मो. 8230671874

 काठापूर प्रतिनिधी: काठापुरमध्ये ढगफुटी सदृश्य मुसळधार पाऊस होऊन शेती पिकांचे मोठे नुकसान झाले आहे. गुरुवारी (दि. २१) दुपारी तिन ते सायंकाळी साडे सहा या दरम्यान मोठ्या स्वरूपाचा मुसळदार पाऊस झाला. या पावसाचा फटका शेती पिकांना बसला आहे यामध्ये बाजरी , मका , कडवळ , जनावरांचा चारा सोयाबीन , पालेभाज्या आणि मोठ्या प्रमाणावर उसाचे नुकसान झाले आहे. शासनाच्या वतीने कृषी विभाग प्रथम दर्शनी अहवाल तहसीलदार यांना देणार आहे.  त्यानंतर या ठिकाणी पंचनामे सुरू होतील परंतु ताबडतोब या ठिकाणी पंचनामे सुरू होऊन शेतकऱ्यांना नुकसान भरपाई द्यावी ज्या शेतकऱ्यांचे विमा आहेत त्यांना विमा भरपाई मिळेल. परंतु ज्यांच्याकडे विमा नाही त्यांनाही नुकसान भरपाई दिली पहिले अशी मागणी उद्धव बाळासाहेब ठाकरे शिवसेनेचे जिल्हाप्रमुख सुरेश भोर यांनी केली आहे. काढणीला आलेली बाजरी सपाट झाली आहे.तसेच काढणी केलेली बाजरी ही पाण्यात तरंगत होती. त्यामुळे नुकसान मोठे झाले आहे. एकंदरीतच हा पाऊस काठापुर बुद्रुक या ठिकाणी मोठ्या प्रमाणावर झाला. पावसाचे प्रमाण दीडशे मिलिमीटर होते.  ६५ मिलिमीटर च्य...

  मंचर प्रतिनिधी: मंचर आणि परिसरात वीज पुरवठा वारंवार खंडित होत असल्याने नागरिक त्रस्त झाले आहेत. मंचर आणि परिसरातील गावात गणेशोत्सवाच्या सणात सतत दिवसा आणि रात्री वीज पुरवठा खंडित होत आहे. वीज पुरवठा खंडित झाल्यानंतर चार ते पाच तासानंतर पूर्ववत सुरू होतो ; त्यामुळे गणेश भक्त , गृहिणी आणि व्यावसायिक हैराण झाले आहेत. महावितरण कंपनीने त्वरित सुधारणा न केल्यास अधिकाऱ्यांना घेराव आणि रास्ता रोको करण्याचा इशारा महावितरण कंपनीच्या मंचर येथील अधिकाऱ्यांना मंचर शहर राष्ट्रवादी काँग्रेसने दिला आहे.   “ बुधवारी , गुरुवारी आणि शुक्रवारी सतत विजेचा पुरवठा खंडित होत होता. मंचरमधील , मुख्य बाजार पेठेत , बाजार समितीच्या पूर्वेला व इतर वाड्यावस्त्यावरही गुरुवारी संध्याकाळी वीज पुरवठा खंडित झाला होता. त्यानंतर सतत विजेचा लपंडाव सुरु होता. पिठाच्या गिरण्या बंद होत्या. घरगुती व काही मंडळांना गौरी गणपतीच्या आरत्या मेणबत्या लाऊन घ्याव्या लागल्या. ” असे मंचर शहर युवक राष्ट्रवादी कॉंग्रेसचे अध्यक्ष संदीप उर्फ लक्ष्मण थोरात यांनी सांगितले. महावितरण कंपनीच्या मंचर कार्यालयात अभियंता एस.ब...

  आळेफाटा प्रतिनिधी: दिव्यांग विद्यार्थांसाठी थेरीपी शिबिराचे आयोजन दि २१ सप्टेंबर २०२३रोजी जि.प. प्राथमिक शाळा आळे नं ३ येथे समग्र शिक्षा अंतर्गत पंचायत समिती जुन्नर शिक्षण विभाग यांच्या वतीने गटशिक्षणाधिकारी अनिता शिंदे आणि गटसमन्वयक संचिता अभंग यांच्या मार्गदर्शनाखाली दिव्यांग विद्यार्थांसाठी आरोग्य शिबिराचे आयोजन आयोजन करण्यात आले होते. सदर शिबिरास विविध दिव्यांग प्रवर्ग असणाऱ्या विद्यार्थांना ॲक्युपंक्चर थेरपी , फिजीओथेरपी त्याचबरोबर स्पीच थेरपी देण्यात आली. यासाठी थेरेपीस्ट केंगले यांनी विद्यार्थांना थेरपी देण्याचे काम केले. यावेळी पालकांना मार्गदर्शन देखील करण्यात आले. या शिबिरास चांगला प्रतिसाद मिळाला. केंद्राअंतर्गत एकूण १५ विद्याथी सहभागी झाले होते. शाळा व्यवस्थापन समितीचे अध्यक्ष मुकुंद भंडलकर, या विभागाचे विभाग प्रमुख भुजबळ , तोडकरी , मोरे व पिंगट यांनी या शिबिराचे नियोजन केले. जि.प.प्राथमिक शाळा आळे चे मुख्याध्यापक आवटे व सर्व शिक्षक यांनी शिबिरास सहकार्य केले.

 मंचर प्रतिनिधी: आदर्श गाव भागडी येथील प्राथमिक शाळेतील विद्यार्थ्यांनी आजी-आजोबांचे पाद्यपूजन करून त्यांच्याप्रती प्रेम , कृतज्ञता व आदर व्यक्त केला. या वेळी आजी- आजोबांनी विविध स्पर्धांमध्ये उत्साहाने सहभाग घेतला. शाळा व्यवस्थापन समितीचे अध्यक्ष विष्णू उंडे उपाध्यक्ष मंदाताई आदक व व्यवस्थापन सदस्यांनी   आजी-आजोबांना सन्मानित केले. या प्रसंगी त्याच्यासाठी गायन , नृत्य , वादन , संगीत खुर्ची , आदी स्पर्धांचे आयोजन केले होते. दरम्यान , त्यांनी अभंग , ओव्या , लोकगीते , लग्नाची गाणी , कविता , उखाणे आदी सादर केले. त्याचप्रमाणे आपल्या शालेय जीवनातील आठवणी विद्यार्थ्यांना सांगितल्या. मुख्याध्यापक बाळासाहेब गिलबिले यांनी आजी-आजोबा दिनाचे महत्त्व व आपल्या जीवनातील त्यांचे स्थान याविषयी माहिती दिली. व आजी-आजोबांचे नातवांशी असलेले घट्ट नाते पाल्यांच्या सर्वांगीण विकासासाठी गरजेचे व प्रेरणादायी असल्याने हा कार्यक्रम आयोजित आहे असे सांगीतले.  या कार्यक्रमास  पोपट आवडा गवारी (अध्यक्ष जे. ना-संघ) , रामचंद्र शंकर आगळे, रामभाऊ भालेराव, केरू मारुती लोंढे (का पो-पाटील), नाम...

कवठे येमाई , ता. १५ : टोमॅटोचे  दरात जबरदस्त घसरण झाल्यामुळे शेतकऱ्यांना टोमॅटो रस्त्यावर फेकून देण्याची वेळ आली आहे. शासन मात्र सणासुदीच्या तोंडावर महागाई कमी झाल्याच्या अविर्भावात स्वतःची पाठ  थोपटून घेण्यात मशगुल आहे , परंतु  सणासुदीला शेतकऱ्यांच्या चेहऱ्यावरचा आनंद मात्र हिरावत आहे. पंधरा दिवसापूर्वी टोमॅटोला चांगला भाव मिळत होता. परंतु तो आता शेतकऱ्यांना  कवडीमोल दराने विकावा लागत   आहे , त्यात त्याचा उत्पादन खर्च सुद्धा  भागत नाही. यामुळे टोमॅटो उत्पादक शेतकऱ्यांमध्ये प्रचंड संतापाचे वातावरण आहे. मागील काही दिवसात टोमॅटोची आवक कमी असल्यामुळे टोमॅटोचे भाव गगनाला भिडले होते. परंतु जशी आवक वाढत चालली तसे टोमॅटोचे बाजारभाव कोसळत चालले आहेत. काही दिवसापूर्वी सत्तर रुपये किलो दराने विकले जाणारे टोमॅटो सत्तर रुपये कॅरेट पर्यंत खाली आले आहेत. शेतकऱ्यांनी जगावे का मरावे हा प्रश्न शेतकऱ्यांमधून उपस्थित होत आहे. त्यामुळेच शेतकरी आत्महत्या का करणार   नाहीत असा प्रश्न ...

मंचर प्रतिनिधी: नाशिक येथील कलाकुंज 24 तास न्यूज चॅनेल तसेच द. बाळशास्त्री जांभेकर पत्रकार संघ नाशिक यांच्या संयुक्त विद्यमाने महाराष्ट्रच नाही तर संपूर्ण देशात शैक्षणिक क्षेत्रांमध्ये उल्लेखनीय कार्य केलेल्या मान्यवरांचा  कलाकुंज शिक्षक रत्न पुरस्कार देऊन कालिदास कला मंदिर नाट्यगृह नाशिक येथे मान्यवरांच्या हस्ते सन्मानित करण्यात आले. या कार्यक्रमाचे प्रमुख पाहुणे म्हणून केंद्रीय आरोग्य मंत्री मा भारती ताई पवार व सिने अभिनेत्री स्मिता प्रभू   हे होते.  संपादक डॉ. महेंद्र देशपांडे,माननीय दीपक रत्नाकर दीक्षित(आचार्य गणू महाराज प,ग्राम पुरोहित)मा सुनील पाटील (नायब पोलीस अधीक्षक),डॉक्टर राज नगरकर (कर्करोग तज्ञ), प्रा. डॉ.शोभाताई सातभाई (ज्येष्ठ साहित्यिक व समाजसेविका), सामाजिक व राजकीय क्षेत्रातील इतर मान्यवरांच्या उपस्थितीमध्ये मंचरच्या जागृती महाजन यांनी गेल्या 14 वर्षांमध्ये न्यू इंग्लिश स्कूल येथे कार्यरत असताना. अध्यापन काळात  त्यांच्या विषयाचा इयत्ता दहावीचा शंभर टक्के निकाल , तालुकास्तर तसेच जिल्हास्तर पुरस्कार प्राप्त नाटिकांचे लेखन, दिग्दर्शन,राबविलेले समाज...

भागडी प्रतिनिधी: आर्यन हा शारीरिक अपंग असून तो अभ्यासात हुशार तसेच खेळ संगणक व दैनंदिन जीवनातील सर्व कामे लीलया करतो त्याच्या व्यक्तिमत्व विकासात कुठेही हा विकलांगतेचा अडसर वाटत नाही. शिक्षक बाळासाहेब गिलबिले यांनी आर्यन मधील शिकण्याची जिद्द पाहून त्याच्याविषयी पर्यावरण संवर्धन समिती environment conservation association संस्थेच्या अध्यक्षा विनिता दाते यांच्याशी संपर्क करून त्याच्या शैक्षणिक विकासाला गती देण्यासाठी मदतीचे आवाहन केले त्याला प्रतिसाद म्हणून अध्यक्षांनी उत्तम दर्जाचा लॅपटॉप आर्यनला बक्षीस म्हणून दिला त्याच्या शैक्षणिक प्रगतीसाठी बालपणापासूनच संगणक व तंत्रज्ञानाची ओळख होऊन त्यांनी भविष्यात स्वयंपूर्ण होताना प्रगतीच्या अतिउच्च शिखरावर असावे यासाठी ही छोटीशी मदत आहे असे त्या म्हणाल्या तसेच ECA च्या माध्यमातून ई वेस्ट रिसायकल साहित्याचा उपयोग जिल्हा परिषदेतील शाळा व ग्रामीण भागातील विद्यार्थ्यांना ते सातत्याने मदत करत असतात .दुर्गम भागातील अनेक शाळांना अभ्यासासाठी व शाळेसाठी स्वतंत्र सोलर किट बसविण्यात आलेले आहे. आदर्श गाव भागडीचे शाळा व्यवस्थापन समितीचे माजी अध्यक्ष नितीन ...

मंचर प्रतिनिधी: भिमाशंकर येथे दर्शनासाठी जात असलेल्या शिवसेना उद्धव बाळासाहेब ठाकरे पक्षाचे पुणे जिल्हा संपर्कप्रमुख आमदार सचिनभाऊ अहिर, मा.आमदार गौतम चाबुकस्वार खेड तालुका प्रमुख रामदास धनवटे, शिवाजीराव वर्पे,यांचे समस्त निघोटवाडी ग्रामस्थ, शिवसैनिकांच्या वतीने निघोटवाडी फाटा येथे फटाक्याच्या आतषबाजी व घोषणांनी भव्य स्वागत करण्यात आले. यावेळी सतत तीस वर्षे शिवसेनेला मताधिक्य दिल्याबद्दल निघोटवाडी शिवसेना शाखेतील शिवसैनिकांचे खास कौतुक केले, उद्धव ठाकरेंच्या मागे असेच उभे रहा असे आवाहन केले. यावेळी तालुका महिला आघाडी प्रमुख प्राध्यापक सुरेखा निघोट, शेतकरी सेना तालुका प्रमुख माजी सरपंच खंडुशेठ निघोट, वहातुक सेना तालुका प्रमुख संजय चिंचपुरे,ऊपतालुकाप्रमुख सचीनशेठ निघोट, माजी सरपंच सुमंता निघोट सोसायटी उपाध्यक्ष बाळासाहेब निघोट, निघोटवाडी पतसंस्था संचालक नवनाथशेठ निघोट, प्रसिद्ध बैलगाडा मालक राजुशेठ निघोट, भारतीय विद्यार्थी सेना तालुका प्रमुख प्राध्यापक अनिल निघोट,शिवसेना समन्वयक विपुलशेठ निघोट,शाखाप्रमुख ग्रा.पं.सदस्य संदिप निघोट तुकाराम निघोट, चंद्रकांत निघोट , नितीन निघोट, रावजी निघोट,...

लाखणगाव प्रतिनिधी:  लाखणगाव कडून पाबळ च्या दिशेने जाणाऱ्या अल्टो  खाली दुचाकी येऊन झालेल्या अपघातात दुचाकीवरील रसिक रंगनाथ दौंड मयत झाल्याची घटना आज सकाळी ९ वा. दरम्यान लाखणगाव या ठिकाणी घडली... लाखणगाव वरून लोणी च्या दिशेने जात असताना अल्टो गाडी नं.एम.एच. 10 के.एस.8087 बेल्हा जेजुरी रोडने चालवित घेवुन जात असताना रहदारीचे नियमाकडे दुर्लक्ष करून बेदारकारपणे,भरधाव वेगात चालवुन समोर चाललेल्या मोटार सायकल नं.एमच. 14 सी.क्यु.9831  धडक दिली त्यामध्ये रसिक  याच्या हाता पायाला किरकोळ जखम आणी डोक्याला गंभीर दुखापत झाल्याने रसिक रंगनाथ दौंड वय १९ वर्ष राहणार लाखणगाव दौंड वस्ती याचा अपघातात मृत्यू झाला आहे. लाखणगाव आणी परिसरात सर्व ग्रामस्थानी हळहळ व्यक्त केली असून रसिक हा आई वडिलांना एकुलता एक मुलगा होता.  सागर भिमाजी साळवे रा. साकुर मांडवे या अल्टो  वाहनचालकाविरुद्द पारगाव का. पोलीस स्टेशन येथे गुन्हा दाखल करण्यात आला आहे. पुढील तपास सहायक पोलीस निरीक्षक लहू थाटे, यांच्या मार्गदर्शनाखाली पो. ना. सांगडे  करत आहेत.

मंचर प्रतिनिधी: आंबेगाव तालुक्यात अवसरी खुर्द आहे. येथे पावसाळ्याच्या दिवसात चार दिवसांतून अर्धा तास पाणी मिळते. महिलांना पाण्यासाठी वणवण करावी लागत आहे. अवसरी येथील गावकऱ्यांना नियमित शुद्ध पाणी पिण्यासाठी उपलब्ध व्हावे म्हणून चार जलजीवन योजनांसाठी तब्बल 6 कोटी रुपयापेक्षा अधिक निधी खर्च होणार आहे. पण , त्यासाठी विहिरींना शाश्वत पाणी मिळावे म्हणून आवश्यक उपाययोजना हाती घ्याव्यात , अशी मागणी नागरिकांकडून केली जात आहे. केंद्र व राज्य सरकारच्या वतीने जलजीवन मिशन योजनेअंतर्गत खडकमळा- इंदोरेवाडी , वायाळमळा- कराळेवाडी या वस्तीवरील योजनांच्या विहिरी मोरदरा पाझर तलावाचा पायथ्याला व भोरवाडी योजनेची विहीर भोरमळ्यातील ओढ्यावर खोदली आहे. या विहिरींसाठी पाणी उजव्या कालव्यातून दिले जाते. पण , पावसाने ताण दिल्यामुळे मोरदरा पाझर तलाव आटला आहे. पाझर तलावाचे खोलीकरण व गाळ काढण्याच्या कामाला राज्य सरकारने निधी दिल्यास विहिरींना शाश्वत पाणी उपलब्ध होईल. याकामी सहकारमंत्री दिलीप वळसे पाटील यांना गावकऱ्यांचे शिष्टमंडळ भेटणार आहे , असे पंचायत समितीचे माजी उपसभापती संतोष भोर यांनी दिली. गावाला बाराही महि...

लाखानगाव प्रतिनिधी: जिल्हा परिषद प्राथमिक शाळा काठापूर बुद्रुक येथे ५ सप्टेंबर २०२३ रोजी शिक्षक दिन साजरा करण्यात आला.  सकाळी  शाळेचे मुख्याध्यापक यांच्या हस्ते डॉ. सर्वपल्ली राधाकृष्णन यांच्या प्रतिमेस हार अर्पण करण्यात आला व कार्यक्रमाची सुरुवात झाली. सकाळी शाळेची घंटा पासून ते शिक्षक असा प्रवास मुलांनी अगदी हसत पार केला परंतु शिक्षकाची जबाबदारी काय असते हे ह्या मुलांनी आज अनुभवलं अनेक विद्यार्थी व विद्यार्थिनी आज एक दिवसीय शिक्षक होऊन वर्गामध्ये वेगवेगळे विषय शिकवले. विद्यार्थ्यांचा उत्साह पाहून सर्वांनाच आनंद वाटत होता. शाळांमध्ये तर हा दिवस म्हणजे खास सेलिब्रेशनच असते. विद्यार्थी शिक्षक होतात आणि प्रत्यक्ष वर्गात शिकवतातही. मग यादरम्यान झालेल्या गमतीजमती आपल्याला आयुष्यभर आठवत राहतात. शिक्षक दिनाची सांगता म्हणून एक कार्यक्रम आयोजित करण्यात आला होता. सर्व विद्यार्थ्यांनी आपापले अनुभव सर्वांसमोर प्रस्तुत केले व मुख्याध्यापक नंदकुमार चासकर, शिक्षिका निलिमा वळसे, सुरेश भागवत , उत्तम वाव्हळ व दिनेश तुळे शिक्षकांचे आभार मानले. शिक्षकांचे महत्त्व हे विद्यार्थी जीवनात किती महत्त्...

मंचर प्रतिनिधी: आंबेगाव तालुक्यातील कळंब गावच्या हद्दीत विनापरवाना तलवार बाळगत गावात दहशत माजवत असणाऱ्या 25 वर्षीय युवकावर मंचर पोलिस स्टेशनमध्ये गुन्हा दाखल करण्यात आला आहे. याबाबत सविस्तर वृत्त अस कि दिनांक 4 सप्टेंबर २०२३ रोजी 3.20 वा. चे सुमारास कळंब गावच्या हद्दीत स्मशानभुमी जवळ , कळंब ते म्हाळुंगे पडवळ गावाकडे जाणा-या रस्त्यावर आरोपी आनंद पिराजी शिंदे वय 25 वर्षे , हा विनापरवाना तलवार बाळगुन गावात दहशत माजवत असताना मिळुन आला आहे. सदर गुन्ह्याचा तपास पो. हवा नाडेकर हे करत आहेत.

 घोडेगाव प्रतिनिधी: यशवंतराव चव्हाण माध्यमिक विद्यालय आंबेगाव वसाहत येथे इनरव्हील क्लब ऑफ मंचर यांच्या वतीने दिनांक 4 सप्टेंबर 2023 रोजी   मुलींची हिमोग्लोबिन व सिरम कॅल्शियमचे तपासणी शिबिर पार पडले. विद्यालयातील इयत्ता पाचवी ते दहावीच्या 130 विद्यार्थीनींच्या हिमोग्लोबीन तपासणी अंतर्गत   लाल रक्तपेशी , पांढऱ्या रक्तपेशी , प्लेटलेट , न्यूट्रोफिल्स ,  बेसोफील्स , ईओसिनोफिल्स यांची संपूर्ण रक्त तपासणी करण्यात आली . इनरव्हील क्लबच्या चेअरमन डॉक्टर मेधा गाडे यांच्या हस्ते सर्व विद्यार्थिनींना रक्त तपासणी रिपोर्टचे वाटप करण्यात आले याप्रसंगी विद्यार्थिनींना लोहयुक्त व कॅल्शियम युक्त आहार   व संतुलित आहार याबाबतचे मार्गदर्शन त्यांनी केले . रक्त घटकांचे प्रमाण कमी असणाऱ्या विद्यार्थिनींच्या योग्य औषध उपचाराचे व पुन्हा तीन महिन्यानंतर त्यांचे रक्त तपासणी करण्याची जबाबदारी इनरव्हील क्लब घेत असल्याची माहिती त्यांनी दिली. डॉ .सुवर्णा काळे यांनी सर्व मुलींचे रक्त तपासणी केली. विद्यालयातील शिक्षिका माणिक हुले , वैशाली काळे , वंदना मंडलिक , राधिका शेटे , नीलम लो...

मंचर प्रतिनिधी: जालना येथे मराठा आंदोलकांवर पोलिसांनी अमानुषपणे लाठी चार्ज केल्याच्या निषेधार्थ मंचर येथे छत्रपती शिवाजी महाराज चौकात अखिल भारतीय मराठा महासंघ, राजमाता जिजाऊ प्रतिष्ठानच्या वतीने आंदोलन करण्यात आले. यावेळी राज्य शासनाच्या विरोधात घोषणा देण्यात आल्या. आंदोलकांच्या भावना तीव्र होत्या. राजमाता जिजाऊ प्रतिष्ठानचे राज्य अध्यक्ष अँड सुनिल बांगर व अखिल भारतीय मराठा महासंघ पुणे जिल्हा अध्यक्ष अंकुश लांडे यांच्या नेतृत्वाखाली छत्रपती शिवाजी महाराज चौकात कार्यकर्त्यांनी निषेध सभेचे आयोजन केले होते.  घोषणा देत निषेध व्यक्त केला. यावेळी सुरेश निघोट, अजय घुले, मालती थोरात प्रवीण मोरडे, विकास जाधव, नीलिमा टेमगिरे अशोक काळे उपस्थित होते. जालना येथे घडलेल्या घटनेबाबत निषेध व्यक्त करत असताना अँड. सुनिल बांगर यांनी राज्य सरकारवर टिकेची झोड उठवली. ते म्हणाले शांतता मार्गाने न्याय हक्कासाठी मनोज जरंगे पाटील यांच्या नेतृत्वाखाली मराठा समाज आरक्षणासाठी कार्यकर्ते उपोषण करत होते. सदरचे उपोषण राज्य सरकारने पोलीस बळाच्या ताकदीवर चिरडण्याचा प्रयत्न केला. पोलिसांनी अमानुषपणे महिला, युवक-युवती...

मंचर प्रतिनिधी: भारतीय जनता पार्टी महिला मोर्चा मंचर यांच्या वतीने रक्षाबंधन स्नेह यात्रा हा कार्यक्रम राबवण्यात आला, मंचर येथील महाराष्ट्र राज्य परिवहन महामंडळाचे कर्मचारी तसेच रिक्षा, टॅक्सी,चालक यांना राखी बांधून शुभेच्छा देण्यात आल्या. राष्ट्रीयध्यक्ष वानथीआक्का श्रीनिवासन यांच्या मार्गदर्शनाखाली तसेच महाराष्ट्र महिला मोर्चा प्रदेशाध्यक्ष चित्राताई वाघ यांच्या अध्यक्षतेखाली रक्षाबंधनाचा "स्नेह यात्रा" हा कार्यक्रम दिनांक 29 ते 31 ऑगस्ट 2023 पर्यंत महाराष्ट्रात साजरा करण्यात येणार आहे. आपण दरवर्षी रक्षाबंधनाचा सण हा उत्साह मध्ये साजरा करत असतो परंतु यावर्षी आपली सेवा करणाऱ्या रिक्षा, टॅक्सी, बस चालक, सेवाभावी संस्था यांना भारतीय जनता पार्टी महिला मोर्चा तर्फे राखी बांधून आपल्या सोबत बंधुत्वाच्या नात्यात जोडायचे आहे. असे महिला मोर्चा प्रदेशाध्यक्ष चित्राताई वाघ यांनी सांगितले. त्यानुसार मंचर शहरामध्ये विविध ठिकाणी सेवा करणाऱ्या बंधूंना भाजपा महिला मोर्चा भाजपा कायदा आघाडी सचिव पुणे जिल्हा ऍड. स्वप्ना खामकर/ पिंगळे, महिला मोर्चा मंचर अध्यक्ष जागृती महाजन, मंचर शहर सरचिटणीस छ...

मंचर प्रतिनिधी: विश्व हिंदू परिषद दुर्गा वाहिनी-मातृशक्ती आंबेगाव तालुका(मंचर प्रखंड) यांच्या वतीने 31 ऑगस्ट 2023 रोजी आंबेगाव तालुक्यात रक्षाबंधन उत्सव साजरा करण्यात आला. मातृशक्तीच्या पश्चिम महाराष्ट्र प्रांत संयोजिका अँड. मृणालिणी पडवळ यांच्या मार्गदर्शनाखाली पोलीस स्टेशन मंचर, उपजिल्हा रुग्णालय मंचर या ठिकाणी हा उत्सव साजरा करण्यात आला. ज्या-ज्या वेळी कुठलही संकट जगावर आपल्या देशावर आणि राज्यावर येत अशा वेळी खर्‍या अर्थाने पोलीस, डॉक्टर, नर्स, आरोग्य विभाग कर्मचारी, प्रशासकीय कर्मचारी हे पुढे येऊन काम करतात.  नागरीकांना मदत करतात, तहान-भूक, दिवस-रात्र न पाहता हे सर्वजण आपले कर्तव्य बजावत असतात. या सर्वांसोबत रक्षाबंधन साजरी करणे ही एक वेगळीच बाब या निमित्ताने ठरली. या उत्सवावेळी उपजिल्हा रुग्णालयाचे अधीक्षक, मंचर पोलिस स्टेशनचे पोलीस निरीक्षक यांनी या उपक्रमाचे विशेष कौतुक करून धन्यवाद दिले. मंचर पोलिस स्टेशनचे सर्व अधिकारी, कर्मचारी, उपजिल्हा रुग्णालय मंचर येथील सर्व डॉक्टर्स, स्टाफ, कर्मचारी, नर्स यांना राखी बांधून हा रक्षाबंधनाचा उत्सव साजरा करण्यात आला. या उत्सवाचे नियोजन व...