ज्या गावात एस.टी.जाते ती गावे विकसित झालेली आहेत.त्या मूळे एस.टी.सेवा अखंडपणे सुरू रहावी-शिवसेना पुणे जिल्हा संघटक ॲड.अविनाश रहाणे
मंचर प्रतिनिधी:
महाराष्ट्र राज्यातील ज्या गावात एस.टी.जाते ती गावे विकसित झालेली आहेत.त्या मूळे एस.टी.सेवा अखंडपणे सुरू रहावी यासाठी राज्य सरकारने शर्थीचे प्रयत्न करावेत असे आवाहन शिवसेना उद्धव बाळासाहेब ठाकरे पुणे जिल्हा संघटक ॲड.अविनाश रहाणे यांनी केले आहे.
सद्यस्थितीत केन्द्र सरकार व राज्य सरकार सर्व सार्वजनिक उद्योग, सेवा व संस्थांचे खाजगीकरण करण्याचा धडाका लावला आहे.महाराष्ट्र राज्य विद्युत मंडळाचे विभाजन करून आधीच चार कंपन्या निर्माण केल्या आहेत.आता या विज कंपन्या देखील एका अडाणी उद्योगपतीला विकण्याचा सरकारचा प्रयत्न आहे.हा डाव सर्वांनी मिळून हाणून पाडला पाहिजे.उर्जा विभाग उद्योगपती ने खरेदी केल्यास त्याच्या फायद्या साठी तो त्याला जास्त लाभ होण्यासाठी वाटेल त्या दराने वीज पुरवठा करील.अधिकारी, कर्मचाऱ्यांना कंत्राटी पद्धतीने भरती केले जाईल, त्यांना पेन्शन मिळणार नाही.यामुळे या खाजगीकरणाच्या धोरणाला कडाडून विरोध व्हायला हवा.
राज्य परिवहन महामंडळाच्या गाड्या मुक्कामाच्या ठिकाणी मिळतील त्या प्रवाशांना घेऊन दिलेल्या वेळेत पोहचतात.महा मंडळ फायदा तोट्याचा विचार न करता केवळ जनतेच्या सेवेसाठी एस.टी.वहातुक करते.या उलट खाजगी वहातुकदार फक्त फायदा होतो तेथेच वहातुक करतात.प्रवासी कमी असतील, रस्ता खराब असेल तर खाजगी वहातुकदार प्रवासी घेणे टाळू शकतो.मात्र एस.टी.गाड्याचे तसे नाही.दुर्गम ठिकाणी जेथे दुरध्वनी सेवा देखील उपलब्ध नाही.त्या ठिकाणी एस.टी.पोहोचते. आंबेगाव तालुक्यात ९ वर्षांपूर्वी घडलेली भुस्कलनाची दुर्दैवी घटना केवळ मुक्कामी गेलेल्या एस.टी.मुळेच सर्वांना समजली व अनेकांचे जीव वाचले.ज्या गावापर्यंत एस.टी.जाते त्या गावांचा विकास झालेला आपल्याला पहायला मिळतो.म्हणून कुठल्याही परिस्थितीत एस.टी.चे खाजगीकरण होऊ न देता ही सरकारी सेवा सुरू रहायला हवी.ही सेवा सुरू असताना प्रवाशांना सवलतींची खैरात वाटल्याची जाहिरात करण्यात येत आहे.प्रत्यक्षात प्रवाशांना सवलतीं मिळत नाही आणि महामंडळ देखील फायद्यात दिसत नाही.एस.टी.फायद्यात आणायची असेल तर चालक आणि वाहक यांना प्रवाशा मागे इन्सेन्टीव्ह देण्यासारखे पर्याय शोधावे जेणेकरून प्रवाशांना सेवा ही मिळेल, कर्मचाऱ्यांना सेवा केल्याचे समाधान मिळेल आणि महामंडळ ही नफ्यात येईल.या सर्व गोष्टींचा विचार व्हावा.
महावितरण,एस.टी.वहातुक या बरोबरच जिल्हा परिषद प्राथमिक शाळा याही तितक्याच महत्वाच्या आहेत. श्रीमंतांची मुले महागडी फी भरून खाजगी शाळांमध्ये प्रवेश घेऊ शकतात मात्र गोरगरिबांची, शेतकरी, शेतमजूर, रोजंदारी कामगार यांच्या मुलांना जिल्हा परिषद प्राथमिक शाळा शिवाय शिक्षणासाठी पर्याय नाही.अनेक दुर्गम भागात कमी विद्यार्थी संख्या असली तरी तिथे सक्तीने शिक्षक आपली जबाबदारी पार पाडत आहेत.तेच खाजगी संस्था ही सेवा कमी आर्थिक फायदा होईल म्हणून तेथे सेवा पुरवत नाहीत. एकंदर एस.टी. महामंडळ,विज वितरण कंपनी, जिल्हा परिषद प्राथमिक शाळा यांचे खाजगीकरण होऊ न देता या सरकारी सेवा अखंडपणे सुरू राहिल्या पाहिजेत यासाठी सर्वतोपरी प्रयत्न करणार असल्याचे शिवसेना उद्धव बाळासाहेब ठाकरे पुणे जिल्हा संघटक ॲड.अविनाश रहाणे यांनी सांगितले.
