आळेफाटा, ता. ३०: संकल्प, उम्मत की खिदमत, हाजी नजीर चॅरिटेबल ट्रस्ट आणि डॉ. कथे डायग्नोस्टिक सेंटर यांच्या संयुक्त विद्यमाने ज्ञानमंदिर हायस्कूल आळे येथे आयोजित केलेल्या तालुकास्तरीय हजरत ख्वाजा गरीब नवाज आरोग्य शिबिराचे उद्घाटक म्हणून आमदार अतुल बेनके बोलत होते. आठशे वर्षांपूर्वी मानवतेची शिकवण देत संपूर्ण भारतभर सुफी तत्त्वज्ञानाचा प्रसार करणारे थोर सुफी संत हजरत ख्वाजा गरीब नवाज यांच्या नावाने जुन्नर तालुक्यातील मुस्लिम समाजाने मानवतेचा विशाल दृष्टिकोन डोळ्यासमोर ठेवून घेतलेले हे आरोग्य शिबिर इतरांसाठी आदर्श असे आहे; असे मनोगत जुन्नर तालुक्याचे आमदार अतुल बेनके यांनी व्यक्त केले.
यावेळी आळे गावचे सरपंच प्रीतम काळे, उपसरपंच विजय कुराडे, ज्ञानेश्वर ग्रामोन्नती मंडळाचे उपाध्यक्ष उल्हास सहाने, प्रा. संजय वाकचौरे शिबिराचे मुख्य संयोजक हाजी गुलामनबी शेख, हाजी शफी मोमीन, मेहबूब काझी, सादिक आतार, हाजी रज्जाक कुरेशी, हाजी इस्माईल खान, रईस चौगुले इत्यादी मान्यवर उपस्थित होते.
दोन हजार जणांची
मोफत तपासणी
या शिबिरामध्ये सर्व रोग निदान अंतर्गत हृदयरोग, अस्थिरोग, कर्करोग, स्त्रीरोग, बालरोग, नेत्र तपासणी, दंतचिकित्सा, त्वचारोग तपासणी, ई.सी.जी.रक्त शर्करा तपासणी मोफत करण्यात आली. रुग्णांना यावेळी मोफत औषध वाटपही करण्यात आले. जुन्नर तालुका परिसरातील सुमारे दोन हजार नागरिक, युवक, विद्यार्थी या शिबिरात सहभागी झाले होते. शिबिरामध्ये आढळून आलेले विविध शस्त्रक्रिया आवश्यक असणाऱ्या रुग्णांसाठी शासनाच्या महात्मा फुले जन आरोग्य योजनेअंतर्गत तसेच नेत्रविकारासंबंधी डॉ. मनोहर डोळे मेडिकल फाउंडेशनच्या वतीने आणि काही शस्त्रक्रिया लोकसहभागातून केल्या जाणार असल्याची माहिती शिबिराचे प्रमुख संयोजक हाजी गुलामनबी शेख आणि हाजी शफी मोमीन यांनी सांगितले.
विविध हॉस्पिटल्स
आणि डॉक्टरांचा सहभाग
शिबिरामध्ये लोकमान्य हॉस्पिटल पिंपरी चिंचवड, ओम चैतन्य हॉस्पिटल आळेफाटा, ओरा स्कीन क्लिनिक आळेफाटा, विघ्नहर हॉस्पिटल नारायणगाव, डॉ. मते हॉस्पिटल नारायणगाव, स्पंदन हॉस्पिटल आळेफाटा, इनामदार हॉस्पिटल जुन्नर, डॉ. शैख डेंटल हॉस्पिटल यांनी सहभाग घेतला होता.
शिबिराची सुरुवात सामुहिक दुवा पठणाने झाली. याप्रसंगी मुफ्ती शमशुद्दीन कादरी, मौलाना हाफिज रेहान, मौलाना मुजीरुद्दीन, मौलाना कारी इमामुद्दीन, मौलाना शहबाज, हाफिज नजीर, हाफिज तजम्मुल साहेब इत्यादी धर्मगुरू उपस्थित होते. शिबिरादरम्यान लंडन येथील प्रसिद्ध हृदयरोग तज्ञ मायकल वॉर्न, प्रसिद्ध सर्पदंश तज्ञ डॉ. सदानंद राऊत, श्याम पांडे, नरेंद्र तांबोळी, नेताजी डोके, वल्लभ शेळके, माऊली शेळके आदींनी भेट देऊन संयोजकांचे कौतुक केले.
शिबिर यशस्वी
होण्यासाठी मोबीन शेख, वाजिद इनामदार,
शाकीर चौगुले, मुस्तफा शेख, जुबेर शेख, नजीर चौगुले, सिद्दिक ईनामदार, जिलानी पटेल, रशीद मणियार, राजू जमादार, हाजी बशीर मोमीन, हाजी कदीर मोमीन, इरफान काझी, जुबेर इनामदार, युनूस मनियार सर, इमरान मणियार, इम्तियाज मोमीन, रईस मणियार, जावेद मोमीन, इत्यादींनी विशेष
प्रयत्न केले. कार्यक्रमाचे सूत्रसंचालन मेहबूब काझी व युनूस मानियार यांनी केले
व आभार मोबीन शेख यांनी मानले.