समर्थ भारत

अहमदनगर प्रतिनिधी: शिर्डी जवळील सावळीविहीर येथे साईबाबा पालखीत गोळीबार झाल्याची घटना समोर आली आहे. या घटनेत एक तरूण जखमी झाला असून त्याच्यावर शिर्डीतील साईबाबा रुग्णालयात उपचार सुरु आहेत. दरम्यान , पोलिसांनी घटनास्थळी धाव घेऊन गोळीबार करणाऱ्यास ताब्यात घेतले आहे. घटनेचा अधिक तपास पोलीस करत आहेत.पूर्व वैमनस्यातून गोळीबार झाल्याची माहिती समोर येत आहे. मिळालेल्या माहितीनुसार , विकी भांगे (वय.३० वर्ष) रा. पुसद , यवतमाळ असे गोळीबार करणाऱ्या संशयिताचे नाव असून निलेश सुधाकर पवार (वय.२७ वर्ष) गोरेगाव मुंबई असे गोळीबारात जखमी झालेल्या तरूणाचे नाव आहे. मुंबईतील गोरेगाव येथून साईबाबांची पालखी शिर्डीकडे निघाली होती. याच पालखीत विकी भांगे आणि सुधाकर पवार सहभागी झाले होते. पालखी शिर्डीत पोहोचल्यावर पवार याच्यावर गोळीबार करण्यात आला. जखमी निलेशने गोळीबार करणाऱ्या तरूणाच्या बहिणीसोबत दोन वर्षांपूर्वी पळून जावून लग्न केले होते. त्याचाच राग मनात धरून गोळीबार करण्यात आला असल्याची माहिती मिळत आहे.

कोल्हापूर प्रतिनिधी: अनुराधा मिलिंद पोतदार (वय ४६ वर्ष ) रा. फुलेवाडी , चौधा बसस्टॉप , कोल्हापूर येथील महिला कोल्हापूर रंकाळा टॉवरजवळ जेसीबीच्या बकेटचा धक्का लागल्याने जेसीबीच्या चाकाखाली सापडून ठार झाली आहे.सदर महिला दवाखान्यात ड्युटीवर निघाल्या होत्या. या अपघातात पती मिलिंद पोतदार किरकोळ जखमी झाले. आज , शनिवारी सकाळी दहाच्या सुमारास हा अपघात झाला. फुलेवाडीतील चौथ्या बस स्टॉपजवळ राहणा-या अनुराधा पोतदार सूर्या हॉस्पिटलमध्ये रिसेप्सनिस्ट म्हणून नोकरी करीत होत्या. शनिवारी सकाळी त्या दुचाकीवरून पतीसोबत हॉस्पिटलकडे निघाल्या होत्या. दरम्यान , जेसीबीच्या बकेटचा धक्का दुचाकीला लागला. यावेळी दुचाकीवरून पडून अनुराधा जेसीबीच्या डाव्या बाजूच्या मागील चाकाखाली सापडल्या. अनुराधा यांना तातडीने उपचारासाठी सीपीआरमध्ये दाखल केले. मात्र उपचारापूर्वीच त्यांचा मृत्यू झाल्याचे डॉक्टरांनी स्पष्ट केले.    

पुणे प्रतिनिधी: जमिनीच्या वादातून महिलेला बेदम मारहाण करण्यात आल्याची घटना लोणी काळभोर भागात घडली. या प्रकरणी एका महिलेविरोधात गुन्हा दाखल करण्यात आला आहे. मनीषा वीरकर रा. वीरकर मळा , लोणी काळभोर असे जखमी झालेल्या महिलेचे नाव आहे. या प्रकरणी सुजाता सावंत (वय ५०) हिच्या विरोधात गुन्हा दाखल करण्यात आला आहे. सुजाता आणि मनीषा नणंद-भावजय आहेत. जमिनीच्या वादातून सुजाताने मनीषा यांना काठीने मारहाण केली. त्यांच्या डोक्यात दगड मारला. या घटनेत मनीषा गंभीर जखमी झाल्या असून त्यांच्यावर रुग्णालयात उपचार सुरू आहेत. पोलीस उपनिरीक्षक मोरे तपास करत आहेत.

सातारा प्रतिनिधी: सातारा तालुक्यातील वाढे येथे मातीत अर्धवट पुरलेला मृतदेह आढळून आला आहे. यामुळे एकच खळबळ उडाली आहे. तालुका पोलीस रात्री उशिरापर्यंत घटनास्थळी होते. मृतदेहाबद्दल माहिती घेण्याचे काम सुरू होते. भाजपाच्या माजी आमदार कांताताई नलावडे यांच्या बंद असलेल्या बंगल्याच्या परिसरात हा मृतदेह आढळल्याने खळबळ उडाली आहे. याबाबत पोलिसांकडून मिळालेली माहिती अशी की , वाढे येथे माजी आमदार कांताताई नलावडे यांचे निवासस्थान आहे. बंगल्याच्या परिसराची साफसफाई करत असताना शुक्रवारी दुपारच्या सुमारास अर्धवट पुरलेल्या स्थितीत मृतदेह दिसून आला. त्यानंतर याची माहिती पोलिसांना देण्यात आली. यावेळी नागरिकांनीही गर्दी केली होती. सातारा तालुका ठाण्याचे पोलीस निरीक्षक विश्वजित घोडके हे कर्मचाऱ्यांसह घटनास्थळी पोहोचले. मृतदेह कोणाचा आहे , याबाबत रात्री उशिरापर्यंत माहिती घेण्याचे काम सुरू होते. पोलिस अधिक तपास घेत आहेत.

पुणे प्रतिनिधी: पुणे मंडईतील रामेश्वर चौक परिसरात पुर्ववैमनस्यातून तरुणावर गोळीबार करुन कोयत्याने वार करण्याच्या प्रकरणातील मुख्य आरोपीसह तिघांना गुन्हे शाखेच्या पथकाने अटक केली आहे. आरोपींकडून पिस्तुल जप्त करण्यात आले. नाना पेठेत काही महिन्यांपूर्वी अक्षय वल्लाळ या तरुणाचा खून झाला होता. वल्लाळ याच्या खून प्रकरणाचा सूड उगविण्यासाठी तरुणाच्या खुनाचा प्रयत्न करण्यात आल्याचे तपासात उघडकीस आले आहे. रूपेश राजेंद्र जाधव (वय.२४ वर्ष) रा. कुंभारवाडा , नाना पेठ , प्रथमेश गोपाळ येमूल (वय.२२ वर्ष) रा. नाना पेठ , बाळकृष्ण विष्णु गाजुल (वय.२४ वर्ष) रा. नाना पेठ अशी अटक केलेल्यांची नावे आहेत. तर शेखर अशोक शिंदे (वय.३२ वर्ष ) हा जखमी झाला असून त्याची प्रकृती चिंताजनक आहे. त्याच्यावर रुग्णालयात उपचार सुरु आहेत. बाळकृष्ण गाजुल हा मुख्य संशयित आरोपी आहे. मंगळवारी रात्री नऊ वाजण्याच्या सुमारास रस्त्याने जाणाऱ्या शेखर यास अडवून टोळक्‍याने त्याच्यावर पिस्तुलातुन गोळ्या झाडल्या , तसेच त्याच्यावर कोयत्याने वार केले. दरम्यान , भरवस्तीत गोळीबार व खुनाच्या प्रयत्नाची घटना घडल्याने नागरीकांमध्ये भितीचे...

पुणे प्रतिनिधी: इचलकरंजी येथून शिर्डी व औरंगाबाद येथून सागर क्लासेसच्या सहलीला गेलेल्या विद्यार्थिनींच्या बसला माघारी परतताना बारामतीतील पाहुणेवाडी येथे पहाटे तीन वाजता अपघात झाला. यात ३ मुली गंभीर तर २४ मुली किरकोळ जखमी झाल्या आहेत. यात बस चालकाचे गाडीवरील नियंत्रण सुटल्याने हा अपघात झाल्याची प्राथमिक माहिती समोर आली आहे. बारामतीतील शासकीय रुग्णालयात जखमी मुलींवर पुढील वैद्यकिय उपचार सुरू असून त्यांची प्रकृती स्थिर असल्याचे वैद्यकिय सूत्रांनी सांगितले.अपघातग्रस्त यशदा ट्रॅव्हलमध्ये एकूण ४८ मुली , पाच शिक्षक प्रवास करीत होते. पहाटेच्यावेळी चालकाच्या डोळ्यावर झोप लागल्याने त्याचा गाडीवरील ताबा सुटला असावा , अथवा रस्त्यावरील पुल व वळणाचा अंदाज न आल्याने वरील अपघात घडला असावा , असा प्रथमदर्शनी अंदाज पोलिसांनी वर्तविला आहे. इचलकरंजी-कोल्हापूर येथील खासगी सागर कल्सासेसची ८ वी ते १० इयत्तेमधील मुलींची सहल यशदा ट्रॅव्हलमधून शिर्डी येथे गेली होती.सदरची सहल संपवून आज मंगळवारी पहाटे साडेतीन ते चार वाजल्याच्या सुमारास ही ट्रॅव्हल्स बारामतीकडून फलटण मार्गे निघाली होती.वरील ट्रॅव्हलच्या चालकाचा पाह...

नाशिक प्रतिनिधी: जन्म दाखला देण्यासाठी पाचशे रुपयांची लाच स्वीकारताना नाशिक महानगरपालिकेच्या वरिष्ठ महिला लिपिकाला लाचलुचपत प्रतिबंधक विभागाच्या पथकाने रंगेहाथ अटक केली आहे. प्रेमलता प्रेमचंद कदम असे अटक करण्यात आलेल्या महिला कर्मचारीचे नाव आहे. याबाबत सविस्तर माहिती अशी की, प्रेमलता या नाशिक महानगरपालिकेत जन्ममृत्यू कार्यालयात वरिष्ठ लिपीक पदावर कार्यरत आहेत. तक्रारदार यांना त्यांच्या नातीचा जन्मदाखला हवा होता. यासाठी ते महानगरपालिकेत गेले असता जन्मदाखल्यासाठी प्रेमलता यांनी पाचशे रुपये लाचेची मागणी करण्यात आली. त्यानंतर तक्रारदार यांनी याबाबत लाचलुचपत प्रतिबंधक विभागाकडे तक्रार केली. त्यानुसार सापळा रचून एसीबीच्या पथकाने पाचशे रुपये लाच घेताना प्रमेलता यांना रंगेहाथ अटक केली. याप्रकरणी त्यांच्यावर गुन्हा दाखल करण्यात आला आहे. दरम्यान , कोणत्याही शासकीय अधिकारी/कर्मचारी यांनी किंवा त्यांच्या वतीने खाजगी इसमाने त्यांचे कोणतेही शासकीय काम करून देण्यासाठी लाचेची मागणी केल्यास तात्काळ लाचलुचपत प्रतिबंधक विभागाकडे संपर्क साधण्याचे आवाहन अँन्टी करप्शन ब्युरोकडून करण्यात आले आहे. ...

पुणे प्रतिनिधी: सिग्नलवर वस्तू विक्री करणाऱ्या दांपत्याच्या बालकाचे एका महिलेने अपहरण केले. रवी सुनील पवार व राधा पवार हे दाम्पत्य सोलापूर जिल्ह्यातील बार्शी येथून उदरनिर्वाहासाठी तीन वर्षांपूर्वी पुण्यात आले. ते पिंपरी येथील डॉ. बाबासाहेब आंबेडकर चौक येथे साहित्य विक्री करीत होते. मंगळवारी   नेहमीप्रमाणे तीन मुलांना सोबत घेऊन वस्तू विक्री करीत होते. मिळालेल्या माहितीनुसार दुपारी सव्वादोन वाजताच्या सुमारास त्याचे वडील हे चौकातील झाडांच्या कुंड्यालगत मुलांना बसवून वडापाव आणण्यासाठी गेले. त्यावेळी पत्नी सिग्नलवर वस्तू विक्री करीत होती. दहा मिनिटांमध्ये वडील परत आले असता त्यांना त्यांचा मुलगा तिथे नसल्याचे लक्षात आले. दोघांनी मिळून परिसरात शोध घेतला असता मुलगा मिळून आला नाही. यामुळे त्यांनी पिंपरी पोलीस ठाण्या धाव घेतली. वरिष्ठ पोलीस निरीक्षक अवताडे यांनी घटनेचे गांभीर्य ओळखून तातडीने आवश्यक ती कार्यवाही हाती घेतली. सीसीटीव्ही फुटेजमध्ये तोंडाला स्कार्फ बांधलेली एक महिला मुलाला घेऊन जाताना दिसून आली. आरोपी महिलेचा माग काढण्यासाठी पोलिसांनी १०० हून अधिक सीसीटीव्ही फुटेजची पाहणी केल...

मंचर प्रतिनिधी: कोरोनाच्या वाढत्या प्रादुर्भावामुळे बारा ज्योतिर्लिंगापैकी एक असलेल्या भीमाशंकर येथे पुजाऱ्यांनी स्वयस्फूर्तीने मास्क वापरण्यास सुरवात केली आहे. दर्शनास येणाऱ्या भाविकांनाही मास्क वापरण्याचे आवाहन करण्यात आले आहे. नाताळ आणि नववर्षाच्या स्वागतासाठी भाविक महाराष्ट्रारातील मोठ्या मंदिरांमध्ये गर्दी करण्याची शक्यता आहे. मात्र कोरोना संक्रमणाच्या पार्श्वभूमीवर आता राज्यातील मंदिर प्रशासनांनी मास्कबाबत नियमावली बनवण्यास सुरुवात केली असून , केंद्र सरकारने राज्य सरकाराना नव्या मार्गदर्शक सूचना जारी केल्या आहेत. विमानतळावरही प्रवाशांची तपासणी करण्यात येत आहे. या पार्श्वभूमीवर भीमाशंकर देवस्थान येथे देवदर्शनासाठी येणाऱ्या भाविक आणि पर्यटकांसाठी मास्क वापरण्याचे आवाहन करण्यात आले आहे. परदेशातील करोना रुग्णसंख्या वाढीनंतर देवस्थान सतर्क झालं आहे. दर्शनाला येणाऱ्या भक्तांनीही मास्कचा वापर करावा , सोशल डिस्टन्सिंग पाळावं आणि सॅनिटायझरचा वापर करण्याचं आवाहन मंदिर प्रशासनाने केले आहे.

पुणे प्रतिनिधी: आंबेगाव येथील सिंहगड विधी महाविद्यालय परिसरात कोयता घेऊन दोघांनी दहशत निर्माण केल्याची घटना बुधवारी रात्री घडली. आरोपींनी वाहनांबरोबरच दिसेल त्या व्यक्तींवर आणि दुकानांवर कोयत्याने वार करण्याचा प्रयत्न केला. अचानक घडलेल्या या घटनेने घाबरलेले नागरिक पळत सुटले होते. पोलिसांनी दिलेल्या माहितीनुसार , आंबेगाव परिसरातील विधी महाविद्यालयासमोरील खाऊ गल्लीत रात्री दहाच्या सुमारास करण आणि त्याचा अल्पवयीन साथीदार कोयते फिरवत आले. त्यांनी दुचाकींवर कोयत्याने वार केले. यानंतर येथील एका हॉटेलमध्ये घुसून एका ग्राहकावर कोयत्याने हल्ला केला. नंतर विद्यार्थ्यावर कोयत्याने वार केला. दोघांनी मिळून परिसरात तब्बल वीस मिनिटे धुडगूस घातला. सिंहगड पोलिस ठाण्याचे मार्शल धनंजय पाटील आणि अक्षय इंगवले वडगाव हद्दीत गस्त घालत होते. याबाबत त्यांना माहिती मिळताच त्यांनी तातडीने घटनास्थळी धाव घेतली. तेव्हा दोघेही आरोपी नागरिकांवर कोयते उगारत चालले होते. पोलिसांना बघताच दोघांनी पळण्याचा प्रयत्न केला. पाटील आणि इंगवले यांनी पाठलाग करून आरोपीला ताब्यात घेतले. करण दळवी (रा.वडगाव) याच्यावर भारती विद्यापी...

पुणे प्रतिनिधी: महापालिका प्रशासन , तसेच केंद्रीय आणि राज्य प्रदूषण नियंत्रण मंडळाने शहरात मागील दोन दिवसांत करण्यात आलेल्या संयुक्त कारवाईत , बंदी असलेल्या तब्बल 950 किलो प्लॅस्टिकच्या पिशव्या जप्त केल्या , तसेच या कारवाईत व्यावसायिकांकडून सुमारे 55 हजारांचा दंडही वसूल केला आहे. पर्यावरणास घातक असलेल्या प्लॅस्टिकवर बंदीसाठी 2018 मध्ये कायदा केला आहे. याच्या अंमलबजावणीसाठी या तीनही विभागांकडून संयुक्त कारवाई केली जाते. त्या अंतर्गत मंगळवारी आणि बुधवारी या संयुक्त पथकाने महात्मा फुले मंडई , मार्केटयार्ड आणि वाघोली परिसरात कारवाई केली. यामध्ये पहिल्या दिवशी 450 किलो तर दुसऱ्या दिवशी सुमारे 500 किलो प्लॅस्टिक जप्त केले. 9 ठिकाणी केलेल्या कारवाईत सुमारे 55 हजारांचा दंडही वसूल करण्यात आला अशी माहिती महापालिकेच्या घनकचरा व्यवस्थापन विभागाच्या उपायुक्त आशा राऊत यांनी दिली. केंद्रीय प्रदूषण नियंत्रण मंडळाचे शशिकांत लोखंडे , राज्य प्रदूषण नियंत्रण मंडळाचे संदीप पाटील , महापालिकेचे आरोग्य निरीक्षक इमामुद्दीन इनामदार , राजेश रासकर , उमेश देवकर यावेळी उपस्थित होते. पुणे शासकीय अभियांत्रिकी महा...

पुणे प्रतिनिधी: वाई येथील सिद्धनाथवाडी परिसरात धोम कालव्या लगत न्यास (वय १७ वर्ष) या अल्पवयीन युवकाचा अज्ञात व्यक्तीने धारदार शस्त्राने वार करून खून केला आहे. ही घटना रात्री घडली. मध्यवस्तीत झालेल्या खुनाने शहर परिसरात एकच खळबळ उडाली आहे. न्यास खरात बारावी मध्ये शिरवळ येथील एका महाविद्यालयात शिकत होता. तसेच तो पोलीस व लष्कर भरतीसाठी वाई येथे प्रशिक्षण घेत होता. बुधवारी दुपारपासून तो घरातून कामानिमित्त बाहेर पडला. तो घरी न आल्यामुळे रात्रीच्या सुमारास नातेवाईकांनी पोलीस निरीक्षक बाळासाहेब भरणे यांना माहिती दिली.त्याच्या फोनच्या लोकेशनच्या आधारे पोलिसांनी रात्रभर सिद्धनाथवाडी परिसरातील शेती परिसरात शोध मोहीम राबविली. मात्र त्याचा शोध लागत नव्हता. आज सकाळी त्याचा मृतदेह एका शेताच्या बांधावर आढळून आला. त्याच्या डोक्यावर आणि शरीरावर अनेक वार करण्यात आले होते. घटनास्थळी पोलीस उपअधीक्षक डॉ शितल जानवे-खराडे , पोलीस निरीक्षक बाळासाहेब भरणे , सहाय्यक पोलीस निरीक्षक रवींद्र तेलतुंबडे , उपनिरीक्षक स्नेहल सोमदे आणि गुन्हे प्रकटीकरण विभागाचे सर्व कर्मचारी विजय शिर्के , किरण निंबाळकर , श्रावण राठ...

  मंचर प्रतिनिधी: आंबेगाव तालुका सहकारी खरेदी विक्री संघाची  सन 2022-27  ची  संचालक मंडळ निवडणूक खेळीमेळीच्या वातावणात आणि बिनविरोध पार पडली. या निवडणुकीत माजी गृहमंत्री दिलीपराव वळसे पाटील यांच्या नेतृत्वावर विश्वास ठेवून ज्या उमेदवारांनी माघार घेतली त्या सर्वांचे भीमाशंकर सहकारी साखर कारखान्याचे चेअरमन बाळासाहेब बेंडे यांनी आभार मानले. ही निवडणुक बिनविरोध करण्यामध्ये आंबेगाव तालुका राष्ट्रवादी काँग्रेसचे अध्यक्ष विष्णुकाका हिंगे पाटील , बाजार समितीचे सभापती आणि भिमाशंकर कारखान्याचे संचालक देवदत्त निकम , जिल्हा परिषदेचे माजी उपाध्यक्ष विवेक वळसे पाटील , गणपतराव इंदोरे , शिवाजीराव ढोबळे , बाबासाहेब खालकर , रमेश खिलारी , दादाभाऊ पोखरकर , माउली गावडे , अंकीत जाधव , निलेश थोरात आदी नेत्यांनी  प्रयत्न केले. नवनिर्वाचित संचालक जिजाराम दत्तात्रय येवले (गाव गंगापुर बु , बोरघर गट) मधुकर रामचंद्र बो-हाडे (गाव , गट शिनोली ) नवनाथ शंकर हुले (गाव नारोडी , घोडेगाव गट), अरुण महादेव लोंढे (गाव , गट मंचर) दत्तात्रय दादाभाऊ कोकणे (गाव चिंचोली , कळंब गट) फकिरा गोविंद आदक ( गा...

 

  समर्थ भारत वृत्तसेवा बेल्हे, ता. १८:   कै. हौसाबाई गंगाराम शेळके यांच्या स्मरणार्थ एस एम बी टी हॉस्पिटल, घोटी (नाशिक), बुधरानी हॉस्पिटल पुणे, समर्थ रुरल एज्युकेशनल इन्स्टिट्यूट राजुरी संचलित समर्थ ग्रुप ऑफ इन्स्टिट्यूशन्स बेल्हे (बांगरवाडी) व राजुरी ग्रामपंचायत यांच्या संयुक्त विद्यमाने शनिवार दिनांक १७ डिसेंबर २०२२ रोजी मोफत महाआरोग्य शिबिर, सर्वरोग निदान उपचार व शस्त्रक्रिया शिबिराचे राजुरी येथील जिल्हा परिषदेच्या शाळेत आयोजन करण्यात आले होते. ह.भ.प. तुळशीराम महाराज सरकटे यांच्या शुभहस्ते प्रतिमापूजन करून शिबिराचे उदघाटन करण्यात आले. यावेळी एस एम बी टी हॉस्पिटल घोटी (नाशिक) येथून १५ डॉक्टरांची तर बुधरानी हॉस्पिटल पुणे येथून ६ डॉक्टरांची टीम उपस्थित झालेली होती. या शिबिराचा राजुरी बेल्हे जिल्हा परिषद गटातील विविध गावातील रुग्णांनी व पंचक्रोशीतील जवळपास २२२९ रुग्णांनी लाभ घेतला. या महाआरोग्य शिबिराला विविध क्षेत्रातील मान्यवरांनी भेट देऊन या उपक्रमाचे कौतुक केले. यामध्ये सहभागी रुग्णांना आयुष्यमान भारत महात्मा फुले जन आरोग्य योजना इत्यादी मध्ये समाविष्ट सर्व शस्त्रक्रिय...

  समर्थ भारत वृत्तसेवा प्रतिनिधी (प्रमोल कुसेकर), ता. १८: सर्पमित्र हे सापांपासून मानवाच्या रक्षणासह सापांच्या रक्षणाचे आदर्श काम करत असतात मात्र सर्पमित्रांनी कायद्याच्या अधीन राहून काम करावे असे प्रतिपादन प्रसिद्ध ज्येष्ठ सर्प अभ्यासक निलीमकुमार खैरे यांनी केले आहे.                         शिक्रापूर ता. शिरुर येथील इंडिया बुक ऑफ रेकॉर्ड नोंद सर्पमित्र शेरखान शेख यांच्या पुढाकाराने नुकतीच वन्य जीवांच्या रक्षणासाठी निसर्ग वन्य जीव सामाजिक संस्था स्थापन करण्यात आली, त्या संस्थेच्या अनावरण प्रसंगी सर्पमित्रांना मार्गदर्शन करताना प्रसिद्ध ज्येष्ठ सर्प अभ्यासक निलीमकुमार खैरे बोलत होते, यावेळी निसर्ग वन्य जीव सामाजिक संस्थेचे संस्थापक अध्यक्ष शेरखान शेख, सचिव अमर गोडांबे, संचालक अलताब सय्यद, राहुल तिकूटे, दिपक बनसोडे, साईदास कुसाळ, रमेश हरिहर, अभिजित वाघमारे, गणेश माटे, नरेश बावीसकर, नितीन शेरकर, अमोल कुसाळकर, विजय पडघन, शुभम मोरे, हेमंत परदेशी, सतीश भवाळ, साक्षी कांबळे यांसह आदी उपस्थित होते. सदर कार्यक्रमाचे प्रास्ताविक निसर...

  समर्थ भारत वृत्तसेवा पुणे, ता. १८: जिल्ह्यातील १७६ ग्रामपंचायतीसाठी रविवारी शांतेतमध्ये मतदान झाले. सरपंच आणि सदस्य पदाच्या निवडणुकीसाठी ६५१ मतदान केंद्रांवर रविवारी सरासरी ८१ टक्के मतदान झाले. निवडणुकीसाठी १ हजार २२९ उमेदवार रिंगणात असून निवडणुकीसाठीची मतमोजणी मंगळवारी (२० डिसेंबर) होणार आहे. पुणे  जिल्ह्यात सर्वाधिक मतदान मुळशीमध्ये झाले असून ८५.८२ टक्के मतदान झाले. भोरमध्ये ८५.०५ टक्के, बारामतीमध्ये ८४.९३टक्के तर दौंड ८३.९४ टक्के मतदान  झाल्याची माहिती जिल्हा प्रशासनाकडून देण्यात आली. एकूण मतदारांपैकी १ लाख १८ हजार २४४ महिलांनी तर १ लाख २६ हजार ९२१ पुरुष मतदारांनी मतदानाचा हक्क बजावला. पुणे जिल्ह्यातील १२ तालुक्‍यातील १७६ ग्रामपंचायतींसाठी एकूण ३ लाख ३ हजार ५८९ मतदार आहेत. त्यापैकी रविवारी दुपारी साडेतीन वाजेपर्यंत २ लाख ४५ हजार १६६मतदारांनी मतदानाचा हक्क बजावला.मतदानासाठी मतदान केंद्रांवर सकाळपासून गर्दी झाली होती. सकाळी साडे सात वाजता मतदानास सुरुवात झाली. सायंकाळी  साडेपाच वाजता मतदानाची प्रक्रिया संपली. दुपारी साडेतीन पर्यंत ७१ टक्के मतदानाचा हक्क बजावला होत...

समर्थ भारत वृत्तसेवा भोर, ता. १५: भोर तालुक्यातील निगडे धांगवडी येथे गुंजवणी नीरा नदीपात्रातील पाण्यात मोटार ढकलत असताना अचानक गेलेली वीज परत आल्याने आणि पाण्यात वीजप्रवाह उतरल्यामुळे एकाच कुटुंबातील चौघांचा जागीच मृत्यू झाला. यामध्ये बापलेकांचा समावेश आहे. या घटनेची माहिती मिळताच वीज मंडळ व पोलिस घटनास्थळी पोहोचले आहेत. विठ्ठल सुदाम मालुसरे, सनी विठ्ठल मालुसरे, अमोल चंद्रकांत मालुसरे, आनंदा ज्ञानोबा जाधव (सर्व रा. निगडे ता.भोर जि. पुणे) अशी मृत्यूमुखी पडलेल्यांची नावे आहेत. गुंजवणी नीरा नदीपात्रातील पाण्यात मोटार ढकलत असताना अचानक गेलेली वीज परत आल्याने आणि पाण्यात वीजप्रवाह उतरल्यामुळे चौघांचा जागीच मृत्यू झाला. यामध्ये बापलेकांचा समावेश आहे. महावितरणाचा भोंगळ कारभारामुळे निष्पाप चार शेतकऱ्यांचा जीव गेला आहे. ही घटना घडण्याच्या आधी सतत सहा वेळा लाईट गेली होती. विठ्ठल सुदाम मालुसरे, सनी विठ्ठल मालुसरे, अमोल चंद्रकांत मालुसरे, आनंदा ज्ञानोबा जाधव (सर्व रा. निगडे ता.भोर जि. पुणे) हे चौघे गुंजवणी नीरा नदीपात्रातील पाण्यात मोटार ढकलत असताना अचानक लाइट आल्याने त्यांना विजेचा धक्का लागून त्...