मंचर प्रतिनिधी:
मंचर पोलीस ठाण्यात सहाय्यक फौजदार म्हणून कार्यरत असलेले एकनाथ ठकाजी वाजे यांनी आपल्या राहत्या घरात गळफास घेत आत्महत्याघटना केल्याची खळबळजनक बुधवार दिनांक .२५ मे २०२२ रोजी दुपारच्या सुमारास घडली आहे. याबाबत त्यांचे जावई आदित्य रवींद्र गभाले(वय.२५ वर्षे) रा.मुक्ताई नगर नारायणगाव,ता.जुन्नर,जि.पुणे यांनी खेड पोलीस ठाण्यात खबर दिली आहे.
याबाबत सविस्तर मिळालेली माहिती अशी की,फिर्यादी यांची पत्नी दिनांक.२३
मे २०२२ रोजी माहेरी चांडोली,ता.खेड येथे आई-वडिलांकडे गेल्या होत्या.दिनांक.२५ मे
रोजी फिर्यादीची पत्नी सुप्रिया हिने तिचा पती यास फोन करून वडील एकनाथ वाजे यांनी
शेजारी असणाऱ्या मोकळ्या १३ नंबर रूममध्ये स्वतःला कोंडून घेतले असून आम्ही बराच
वेळ दरवाजा वाजूनही ते दरवाजा उघडत नसल्याचे सांगितले.त्यानंतर कुटुंबियांनी दुपारी
साडेतीनच्या सुमारास कुटुंबियांनी रूमचा दरवाजा तोडून आत जाऊन पाहिले असता एकनाथ
वाजे यांनी बेडरूममधील हुकाला रस्सी बांधून गळफास घेतल्याचे दिसले.एकनाथ वाजे
यांचा गळफास सोडून त्यांना खाली घेऊन ग्रामीण रुग्णालय चांडोली येथे नेले असता
डॉक्टरांनी त्यांना तपासून ते उपचारापूर्वीच मयत झाल्याचे सांगितले.वाजे यांच्या
आत्महत्येचे कारण समजले नसून याबाबत खेड पोलीस ठाण्यात अकस्मात मृत्यूची नोंद
करण्यात आली आहे.पुढील तपास पोलीस हवालदार घोलप करत आहेत.
मंचर पोलीस ठाण्यात कार्यरत असलेले सहाय्यक फौजदार एकनाथ वाजे यांच्या
मृत्यूची बातमी कळताच मंचर पोलीस ठाण्यातील कर्मचाऱ्यांनी हळहळ व्यक्त केली असून
वाजे हे आपल्यातून निघून गेले असल्याचा विश्वास बसत नसल्याचे त्यांनी
सांगितले.वाजे यांच्या सुप्रिया या मुलीचे पाच दिवसांपूर्वीच लग्न झाले
होते.लग्नाच्या नंतर काही दिवसातच हा प्रकार घडल्याने सर्वत्र हळहळ व्यक्त केली
जात आहे.
