दारूच्या नशेत झालेल्या वादातून एकाचा करण्यात आला खून.

पुणे प्रतिनिधी:

दारू पिल्यानंतर झालेल्या वादातून दोघांनी एकाचा चाकूने गळा चिरून खून केला आहे.हि धक्कादायक घटना सोमवारी मध्यरात्री जिल्हा परिषदेच्या जुन्या इमारती समोरील सार्वजनिक स्वच्छातागृहासमोरील पदपथावर घडली आहे.संजय असे खून झालेल्या व्यक्तीचे नाव आहे.प्रभातकुमार कमलाकर म्हस्के (वय.३६ वर्षे) रा.सोलापूर, निलेश बाळासाहेब भोसले (वय.२५ वर्षे) रा.वेल्हे, शिवापूर असे खून केलेल्या आरोपींची नावे आहेत.या दोघांना पोलिसांनी अटक केली आहे.

याबाबत पोलिस उपनिरीक्षक सुनील रणदिवे यांनी फिर्याद दिली आहे.त्यानुसार दोघांविरुद्ध गुन्हा दाखल करण्यात आला आहे.पोलिसांनी दिलेल्या माहितीनुसार,संजय, निलेश आणि प्रभातकुमार हे तिघे एकमेकांच्या ओळखीचे आहेत.तिघे मिळेल ते कामे करून फुटपाथवर राहत होते.सोमवारी प्रभातकुमार याला केटरिंगच्या कामाचे १६०० रुपये मिळाले होते.तिघांनी मध्यरात्री एकत्र येऊन दारू प्यायले.

संजय याने पुन्हा दारू पाजण्याचा आग्रह केल्यामुळे त्यांनी पुन्हा मद्यप्राशन केले.त्यानंतर तिघे रेल्वेस्थानकाकडे निघाले होते.संजय याने प्रभातकुमार याच्याकडे पैशाची मागणी केली.मात्र पैसे संपल्यामुळे त्याने पैसे देण्यास नकार दिला.त्यावेळी त्यांच्यात वाद झाले त्यातून संजय याचा आंबा कापण्याच्या छोट्या चाकूने गळा कापला.खून केल्यानंतर आरोपींनी तेथून पळ काढला होता.सदर घटनेची माहिती मिळताच पोलिसांनी घटनास्थळी जाऊन तपासाला सूरूवात केली.व्यक्ती झालेला अज्ञात होता.

पोलिसांसमोर मृत व्यक्तीची ओळख पटविण्याबरोबरच आरोपींना अटक करण्याचे मोठे आव्हान होते दरम्यान परिसरातील सीसीटीव्ही फुटेजची तपासणी केली असता,मृत व्यक्ती व दोघे आरोपी एकत्र जात असल्याचे दिसून आले.त्यानुसार वरिष्ठ पोलिस निरीक्षक विष्णू ताम्हाणे,गुन्हे निरीक्षक उल्हास कदम,सहाय्यक निरीक्षक संदीप जोरे, कर्मचारी सुशील लोणकर,संतोष काळे,निलेश साबळे,हेमंत पेरणे यांच्या पथकाने विविध ठिकाणाहून ताब्यात घेतले.त्यांच्याकडे केलेल्या चौकशीत दारू पिल्यानंतर झालेल्या वादातून दोघांनी चाकूने गळा कापून खून केल्याची माहिती दिली.