समर्थ भारत

समर्थ भारत न्यूज नेटवर्क: मनसे प्रमुख राज ठाकरे यांनी मशिदीवरील भोंग्याबाबत केलेल्या वक्तव्यानंतर मनसेत अनेक राजकीय घडामोडी घडल्या आहेत. पुणे शहर अध्यक्ष वसंत मोरे यांनी राज ठाकरे यांच्या भूमिकेवर उघड उघड नाराजी व्यक्त केल्याने त्यांना शहराध्यक्षपदावरून बाजूला करण्यात आलं होतं. यानंतर साईनाथ बाबर यांना पुणे शहराची सूत्र देण्यात आली.  दरम्यान, वसंत मोरे यांनी मुंबईत जाऊन 'शिवतिर्थ'वर राज ठाकरे आणि रश्मी ठाकरे यांची भेटही घेतली. यानंतर पक्षातील वादळ शमल्याचं पाहायला मिळालं. वसंत मोरे यांनी  मी मनसेतच असल्याचं सांगत चर्चांना पूर्णविराम लावला. यानंतर त्यांनी कोणतीही नाराजी नसल्याचं स्पष्ट केलं. मात्र, राज ठाकरे पुण्यात आल्यानंतर त्यांच्या दौऱ्यात वसंत मोरे गायब असल्याचं दिसतंय. मुंबई आणि ठाण्यातील सभांना हजेरी लावणारे वसंत मोरे राज ठाकरे पुण्यात आल्यानंतर मात्र दौऱ्यात कोणालाही दिसले नाहीत. त्यांच्या अनुपस्थितीने सध्या पुन्हा चर्चा रंगली आहे. राज ठाकरे आणि मोरे यांच्यात दुरावा निर्माण झाल्यापासून मोरे पक्षाला रामराम करणार का, असा प्रश्न उपस्थित होत होता. पक्षपदापासून दूर केल्यानंत...

समर्थ भारत न्यूज नेटवर्क: बीडमध्ये एका सात वर्षांच्या चिमुरडीचा दुर्दैवी मृत्यू झाला. जेसीबीच्या साहायानं साफसफाई केली जात होती. दरम्यान , धक्का लागून भिंक कोसळली आणि त्याखाली ही चिमुरडी भिंतीखाली दबून गेल्यानं तिचा जीव गेलाय. यानंतर परिसरातील स्थानिक संतप्त झाले होते. जेसीबी चालकाला यानंतर स्थानिकांनी चोप दिली आणि पोलिसांच्या हवालेदेखील केलंय. रमजान ईद निमित्तानं यावेळी साफसफाई केली जात होती. त्यावेळी ही दुर्घटना घडली. या घटनेमुळे परिसरात एकच शोककळा पसरली आहे. भिंत कोसळून मृत्यू झालेल्या या सात वर्षीय चिमुकलीचं नाव सय्यद इकरा असं आहे. भिंती खाली दबून गुदमरल्यामुळे सय्यद हीचा जागीच जीव गेला. या जेसीबीचा चालक नवीन होता अशीही माहिती समोर आली आहे. ही घटना झाल्यानंतर संतप्त झालेल्या नागरिकांनी जेसीबी चालकासह जेसीबीचीही तोडफोड केली. ही दु्र्दैवी घटना माजलगावमध्ये घडली. माजलगावच्या इदगा मोहल्लामध्ये एक मोठी मशीद आहे. तिथं साफसफाईचं काम हाती घेण्यात आलं होतं. रमजान ईद असल्यानं नगरपालिकेकडून मशिदीच्या परिसराची स्वच्छता करण्याचं काम सुरु करण्यात आलं होतं. त्यासाठी जेसीबीदेखील मागवण्यात आला हो...

समर्थ भारत न्यूज नेटवर्क: राज्यातील अपघातांची मालिका थांबायचं नाव घेत नाहीये. अहमनगर- सोलापूर महामार्गावर गुरुवारी रात्री भीषण अपघात झाला. तीन वाहनांच्या झालेल्या भीषण अपघातात दोघांचा जीव गेला आहे. तर अनेक प्रवासी जखमी झाले आहे. मालवाहतूक करणारा एक ट्रक , एक रीक्षा , क्रूझर जीप आणि टू व्हिलर गाडी यांच्या धडक होऊन विचित्र अपघात झाला. हा अपघात इतका भीषण होता की क्रूझर जीप आणि ट्रक यांच्यासह रिक्षाचंही मोठं नुकसान झालंय. चार वाहनांच्या विचित्र अपघातात कृष्णा मल्हारी बोरुडे आणि सोपान दिनकर काळे या दोघांचा मृत्यू झालाय. तर जखमी झालेल्या इतर दहा जणांना तत्काळ रुग्णालयात उपचारासाठी दाखल करण्यात आलंय. नगर-सोलापूर रोडवरच्या कोकणगावच्या शिवारात बोराडे वस्तीजवळ हा अपघात घडला. या अपघातानंतर स्थानिकांनी तत्काळ अपघात झालेल्या ठिकाणी धाव घेत मदतीचा हात दिलाय. नगर-सोलापूर महामार्गावर कर्जत तालुक्यातील बोरुडे वस्ती इथून एक मालवाहू ट्रक जात होता. हा ट्रक सोलापूरहून नगरच्या दिशेनं निघालेलं. तर इतर वाहनं नगरहून सोलापरूच्या दिशेनं जात होती. मालवाहून ट्रकनं क्रूझर आणि ऍपे रिक्षाला जोरदार धडक दिली. या रिक्...

समर्थ भारत न्यूज नेटवर्क: मे महिना तोंडावर आला असतानाही शहरातील नालेसफाईला सुरुवात झालेली नाही. या कामासाठीची निविदा प्रक्रिया सुरू आहे. लवकरात लवकर प्रक्रिया पूर्ण करून तीन आठवडय़ांत शहरातील नालेसफाईचे काम पूर्ण केले जाणार असल्याचा दावा उरण नगर परिषदेच्या प्रशासनाकडून करण्यात आला आहे. अवघ्या दोन ते अडीच किलोमीटर परिघात वसलेल्या उरण शहरातील नालेसफाई करताना दुर्लक्ष केले जात असल्याने दरवर्षी शहरातील मध्यवर्ती भागात पावसाचे पाणी साचण्याच्या घटना घडत असतात. या वर्षी तरी ही समस्या निर्माण होणार नाही याची दक्षता नगर परिषद प्रशासनाने घ्यावी , अशी मागणी नागरिकांकडून होत आहे. दरवर्षी शहरातील छोटे व मोठय़ा नाल्यांच्या सफाईसाठी नगर परिषद प्रशासनाकडून लाखो रुपयांचा खर्च केला जातो. मात्र त्यानंतरही शहरातील अनेक सखल भागांत पावसाचे पाणी साचल्याच्या घटना घडत असतात. त्यामुळे नागरिकांना याचा पावसाळय़ात त्रास सहन करावा लागत आहे. नाल्यांतून पावसाच्या पाण्याचा निचरा होत नसल्याने शहरातील अनेक रस्ते हे पाण्याखाली जातात. त्यामुळे नागरिकांचा इतर भागांशी संपर्क तुटतो तर काही भागांत घरातही पाणी जात असल्याने घराचे...

समर्थ भारत न्यूज नेटवर्क: शिरपूरमध्ये पोलिसांनी तलवारी जप्त करत चार जणांना ताब्यात घेतले आहे. पोलीस पेट्रोलिंग करत असताना शिरपूरकडून धुळ्याच्या दिशेने भरधाव वेगाने येणाऱ्या स्कॉर्पिओ क्र. एमएच ०९   सीएम ००१५ ला सोनगीर पोलिसांनी थांबवण्याचा प्रयत्न केला. मात्र , परंतु गाडी चालकाने गाडी न थांबवता जोराने पळवली म्हणून पोलिसांचा संशय बळावला व त्यांनी पाठलाग करून सदर गाडी थांबवून विचारणा केली. त्यांनतर गाडीत असलेल्या चार जणांची झाडाझडती घेतली असता तब्बल ९० तलवारी आढळून आल्या. याप्रकरणी सोनगीर पोलिसांनी तत्काळ चारही आरोपींना ताब्यात घेऊन पुढील तपास सुरू केला आहे. तर तलवारीही जप्त केल्या आहेत. आरोपी हे चित्तोडगड येथून ९० तलवारी जालना येथे घेऊन जात असल्याचे समोर आले आहे.  

कोल्हापूर प्रतिनिधी: कोल्हापुरात एक धक्कादायक घटना घडली. एका तरुणीनं आत्महत्या केलीय. या तरुणीच्या आत्महत्येचं कारण खळबळजनक आहे. डिपी ठेवला नाही म्हणून एका तरुणानं या मुलीला मारहाण केली होती. त्यानंतर नैराश्य आलेल्या तरुणीनं गळफास घेत जीव दिलाय. या घटनेनं कोल्हापुरात एकच खळबळ उडालीये. सविता खामकर असं आत्महत्या करणाऱ्या मुलीचं नाव आहे. कोल्हापुरातील आजरा तालुक्यात ही खळबळजनक घटना घडली. आत्महत्या केलेल्या मुलीला आजरा बस स्थानक परिसरात मारहाण करण्यात आली होती. डीपी ठेवला नाही , म्हणून या तरुणीला मारहाण करण्यात आल्याचं समोर आलंय. त्यानंतर निराश झालेल्या या तरुणीनं गळफास घेत आत्महत्या केली. आत्महत्या करणारी ही तरुणी अल्पवयीन असल्याचीही माहिती समोर आली आहे. या आत्महत्येप्रकरणी पोलीस सध्या अधिक तपास करत आहेत. अल्पवयीन मुलीनं केलेल्या आत्महत्येमुळे तिच्या कुटुंबीवर दुःखाचा डोंगर कोसळला आहे. या अल्पवयीन मुली मारहाण करणाऱ्या तरुणाविरोधात गुन्हा देखील दाखल करण्यात आला आहे. किशोर सुरंगी या तरुणाविरोधात आजरा पोलीस ठाण्यात गुन्हा नोंद करण्यात आलाय. किशोर सुरंगी या तरुणानेच सविताला आजरा बस स्थानक...

समर्थ भारत न्यूज नेटवर्क: याबाबत सविस्तर वृत्त असे की,उल्हासनगरच्या १७ सेक्शन भागात राहणारे नारायण नागराणी यांच्या भावाचे दत्ता नावाच्या व्यक्तीसोबत पैशांचे व्यवहार होते. या पैशांच्या देवाणघेवाणीवरुन नारायण यांचा भाऊ हा बिंटु बारसमोर असताना त्याला दत्ता आणि अन्य २ ते ३ जणांनी मारहाण करण्यास सुरुवात केली. यावेळी नारायण नागराणी हे भावाला वाचवायला मधे पडले असता नारायण आणि त्यांच्या भावाला चाकूसमक्ष हत्याराने दुखापत करण्यात आली. या सगळ्यात नारायण आणि त्यांचा भाऊ जखमी झाला. हा सगळा प्रकार याच भागातल्या काही रहिवाशांनी मोबाईलमध्ये चित्रित केला. याप्रकरणी मध्यवर्ती पोलीस ठाण्यात गुन्हा दाखल करण्यात आला आहे. पोलीस अधिक तपास करत आहेत.    

समर्थ भारत न्यूज नेटवर्क: यवतमाळमध्ये कुलरचा शॉक लागून एका १२ वर्षांच्या चिमुरड्यानं जीव गमावला आहे. विदर्भात पारा कमालीचा वाढलेला आहे. लोकांना घामाच्या धारा लागल्यात. अशाच दिलासा मिळावा , म्हणून लोकांकडून कुलरचा वापर होणं स्वाभाविक आहे. मात्र कुलर वापरताना काळजी न घेतल्यास त्याचे गंभीर परिणाम भोगावे लागू शकतात , असं वारंवार पाहायला मिळतंय. यवतमाळमध्ये घडलेल्या घटनेनं हीच बाब पुन्हा एकदा अधोरेखित केली आहे. एका १२ वर्षांच्या मुलाच्या मृत्यूनं आई-वडिलांना मोठा धक्का बसला आहे. तर संपूर्ण गावावरही शोककळा पसरली आहे. यवतमाळ जिल्ह्यातील बाबुळगाव तालुक्यात ही घटना घडली. बाबुळगाव तालुक्यामधील सावर या गावामध्ये राहणाऱ्या ढवळे कुटुंबातील एकुलत्या एक मुलाचा कुलरचा शॉक लागून दुर्दैवी अंत झाला आहे. त्यामुळे हळहळ व्यक्त केली जाते आहे. सावर गावातील ढवळे दाम्पत्याला एकुलता एक मुलगा होता. संकल्प अमोल ढवले हा १२ वर्षांचा मुलगा चौथीत शिकत होता. घरी कुलर साफ करण्याच्या उद्देशानं संकल्प कामाला लागला. पण चालू कुलर साफ करणं त्याच्या जीवावर बेतलं. चालू कुलरच्या पाण्याची साफसफाई करताना संकल्पला करंट लागला. त्...

प्रतिनिधी:तुकाराम भांगले  आंबेगाव तालुक्यातील आदिवासी भागातील बोरघर या गावामध्ये सुमारे ६५० नोकरदार  व व्यावसायिक वर्गाने एकत्र मिळून काळभैरवनाथ ग्रामविकास संघ व बोरघर ग्रामस्थांतर्फे गावचे नाव उज्वल करणाऱ्या सामाजिक राजकीय , शैक्षणिक क्षेत्रात उल्लेखनीय काम करणारे अधिकारी , डॉक्टर , सेवानिवृत्त शासकीय कर्मचारीव विद्यार्थी यांचा मानपत्र देऊन गौरविण्यात आले .त्याचबरोबर बोरघर गावात वाचनायल व बचत गट कार्यालयाचे उदघाटन करण्यात आले एकात्मिक आदिवासी प्रकल्प कार्यालयाचे प्रकल्प अधिकारी बळवंतराव गायकवाड यांच्या हस्ते उदघाटन झाले याप्रसंगी कार्यक्रमाचे अध्यक्ष डॉ दिलीप बांबळे हे होते तर प्रमुख पाहुणे म्हणून घोडेगाव ग्रामीण रुग्णालयाचे वैद्यकीय अधीक्षक डॉ राहुल जोशी , डॉ संतोष सुपे , डॉ प्रमिला बांबळे , संजय शेळके उपसभापती कृषि उत्पन्न बाजार समिती , सरपंच सीताबाई बांबळे , किसनराव खामकर , राजू नंदकर उपजिल्हाधिकारी मुंबई , राजू घोडे , ग्रामसेवक जितेंद्र वाकडे , उपसरपंच दादू उंडे    हे उपस्थित होते यावेळी गावातील नोकरदार , पेन्शनर , व्यावसायिक यांच्या प्रयत्नातून गोरगरीब , वाडी...

समर्थ भारत न्यूज नेटवर्क: शिरगाव चिपळूण तालुक्यातील अलोरे येथील चारजण कोलकेवाडी येथे पोहण्यासाठी गेले होते. मात्र , कालव्यातून येणाऱ्या पाण्याचा अंदाज न आल्याने हे चौघेही बुडाले. यावेळी , धनगर बांधवांनी दोघांना वाचवले , तर दोघे अद्याप बेपत्ता आहेत. यामध्ये अलोरे सोमेश्वर मंदिर येथील सुजय संजय गावठे आणि त्याची मैत्रीण ऐश्वर्या श्रीकांत खांडेकर ही बेपत्ता आहे. तर शाहीन कुट्टीनो , रुद्र जंगम यांना वाचवण्यात यश आले आहे. याबाबत माहिती अशी की, बुधवारी (२७ एप्रिल) सायंकाळी ५ च्या सुमारास ही घटना घडली. बेपत्ता सुजय गावठे आणि ऐश्वर्या खांडेकरसोबत शाहीन कुट्टीनो , रुद्र जंगम हे सगळे महाविद्यालयीन मित्र- मैत्रिणी कोळकेवाडी टप्पा चार नजीक कालव्याच्या पाण्यात पोहण्याचा आनंद घेण्यासाठी गेले होते. हे चौघेही पाण्यात पोहत असताना त्यांना पाण्याचा अंदाज न आल्याने ते बुडू लागले. तेव्हा त्यांनी आरडा-ओरड केली असता जवळच असलेल्या धनगर बांधवांनी धाव घेतली रुद्र आणि शाहीन यांना बाहेर काढले. ते सुजयलाही बाहेर काढणार होते , मात्र ऐश्वर्या बुडत असल्याचे बघून तो पाण्यात परत गेला. त्यानंतर हे दोघेही अद्याप बेपत्त...

मंचर प्रतिनिधी : बेकायदा ताडी विक्री करणाऱ्या टोळीला घोडेगाव पोलिसांनी रंगेहाथ पकडले असून त्यांच्यावर पुढील कारवाई करण्यात येत आहे. याबाबत सविस्तर माहिती अशी की,आंबेगाव तालुक्यातील शिनोली येथे रसायनमिश्रित ताडी अड्ड्यावर घोडेगाव पोलिसांनी छापा टाकला. यावेळी ताडी तयार करून विक्री करणाऱ्या तिघांसह सेवन करणारे दोघे अशा पाच जणांना पोलिसांनी अटक केली आहे. आंबेगाव तालुक्यातील डोंगराळ आदिवासी भागात शरिरास घातक असे रसायन मिश्रित ताडी तयार करून विक्री केली जात असल्याची माहिती घोडेगाव पोलिसांना मिळाली होती. मागील अनेक दिवसांपासून हा प्रकार होत असल्याची शक्यता वर्तवली जात आहे. खात्री केल्यानंतर याठिकाणी हा छापा पोलिसांनी टाकला आहे. यावेळी सहायक पोलीस निरिक्षक जीवन माने यांच्या टिमने सापळा रचून ११ हजारांच्या मुद्देमालासह पाच जणांना ताब्यात घेऊन गुन्हा दाखल केला. यात अजून कोण कोण सहभागी आहे , याचाही तपास घोडेगाव पोलिसांमार्फत करण्यात येत आहेत.

पुणे प्रतिनिधी:तुकाराम भांगले   दिनांक ३१ मार्च  २०२२ रोजी फॅशन मेन्स वेअर या दुकानामध्ये अनोळखी इसम याने दुकानामध्ये कोयते घेऊन दुकानातील कुसुम नागरगोजे यांना मारहाण करून दुकानातील कपडे बळजबरीने चोरी करुन घेवुन गेले असल्याने चिखली पोलीस स्टेशन गु.र.नं १३८/२०२२ भा.द.वि.स. कलम ३ ९ ४.३४ आर्म अॅक्ट ४ ( २५ ) प्रमाणे अनोळखी इसमा विरुध्द गुन्हा दाखल आहे . दि .२१ एप्रिल २०२२ रोजी पोलीस उप निरीक्षक भरत गोसावी पोहवा / ५०६ सी.एम. गवारी पोलीस अंमलदार मुलुक ब नं १५ ९ ७ , मोहसिन आत्तार पो कॉ ब नं २१८४ असे पेट्रोलीग यांनी माहीती चिखली गावामध्ये फॅशन मेन्स वेअर दुकानात चोरी केलेले इसम ह वटटा स्किम निगडी येथे काळभोर गोठा येथे बसले आहे . अशी बातमी मिळाली असल्याने सदर बाबत मा . राजेंद्र निकळजे पोलीस निरीक्षक शस्त्र विरोधी पथक यांना कळविले असता त्यांनी सदर इमस यांना ताब्यात घेऊन पुढील कायदेशिर कारवाई करावी असे कळविले असता सदर इसम नामे १ ) अमन अर्जन वाघमारे वय १९ रा संजय हॉटेल जवळ विलारस नगर ओटा स्किम निगडी पुणे . २ ) हर्षल संतोष विधाते वय १८ रा काळभोर गोठया ओटा स्किम निगडी पुणे ३ ) प्रणव गौराना ...

पुणे प्रतिनिधी:तुकाराम भांगले  वरिष्ठांच्या आदेशानुसार दिनांक २५ एप्रिल २०२२ रोजी युनिट ५ गुन्हे शाखाचे पोलीस निरीक्षक हेमंत पाटील यांचे मार्गदर्शनाखाली युनिटकडील सहा पोलीस निरीक्षक पी . एम . लोणारे व युनिटकडील अंमलदार , यांचेसह युनिट हद्दीत पेट्रोलिंग करीत असताना बातमी मिळाली की पुणे - सासवड रोडवर फुरसुंगी ओव्हर ब्रिजखाली फुरसुंगी , पुणे याठिकाणी काही संशयित इसम ते त्यांचेकडील घातक हत्यारे जवळ बाळगुन थांबलेले आहेत व ते फुरसुंगी येथील एका मोबाईल दुकानातील मोबाईल कॅश व इतर ऐवज लुटण्यासाठी जाणार असल्याची खात्रीशीर बातमी मिळाली , त्याप्रमाणे युनिटकडील सपोनि प्रसाद लोणारे व त्यांचे टिमने पुणे सासवड रोड ओव्हर ब्रीजजवळ सापळा लावुन एकुण ५ इसम पळुन जात असतांना ताब्यात घेतले . सदर इसमांची नावे शिवराज उर्फ सुरज अर्जुन वाडेकर (वय २४ वर्षे ) रा. पवारवस्ती केशवनगर ,मुंढवा , पुणे ,संतोष राजु गायकवाड (वय .२६ वर्षे) रा. गायरानवस्ती , केशवनगर,   मुंढवा , पुणे दत्ता गणेश गायकवाड (वय.३४ वर्षे) रा. पवारवस्ती , केशवनगर, मुंढवा , पुणे , अविनाश उर्फ चार्ली सिद्राम जाधव (वय.२९ वर्षे) रा.पवारवस्ती , ...

मंचर प्रतिनिधी: आदिवासी भागात गेल्या तीन वर्षात १५ हजाराहून अधिक बालविवाह होतात ही मोठी शोकांतिका आहे  त्यापैकी जेमतेम १० टक्के म्हणजेच १५००च्या जवळपास बालविवाह रोखण्यात यश आल्याचे अहवालात नमूद केले गेले आहे लहान वयात मुलांची लग्ने झाल्याने त्यांच्या आरोग्यावर,मानसिक विकासावर आणि   मानसिक विकासावर आणि आनंदी जीवनावर परिणाम होतो.संपूर्ण समाजात मागासलेपणा येतो.जे शेवटी समाजाच्या प्रगतीत अडथळा ठरते यासाठी कायद्यात लग्नाचे वयही निश्चित करण्यात आली आहेत.असाच प्रकार पुणे जिल्ह्यातील कुरकुंडी गावात उघडकीस आला आहे.याप्रकरणी पिडीत मुलीचा पती आणि मुलीच्या वडिलांवर गुन्हा दाखल करण्यात आला आहे. याबाबत सविस्तर वृत्त असे की,खेड तालुक्यातील कुरकुंडी गावातील ठाकरवस्तीत राहणाऱ्या १७ वर्षीय अल्पवयीन मुलीचा १९ वर्षीय तरुणासोबत विवाह लावून देण्यात आला. या प्रकरणी मुलीच्या वडिलांसह पतीलादेखील हा विवाह चांगलाच महागात पडला आहे. याप्रकरणी चाकण पोलिसांत गुन्हा दाखल झाला आहे. खेड तालुक्यातील कुरकुंडी गावातील आदिवासी ठाकरवस्तीत राहणाऱ्या १७ वर्षीय मुलीचा विवाह गावातील १९ वर्षीय तरुणासोबत ११ महिन्यांपूर...

समर्थ भारत न्यूज नेटवर्क: जुन्या दिवाणी दाव्यात वकील म्हणून काम करण्यास नकार दिल्याचा राग मनात धरून चाळीसगाव न्यायालयात वकील संघाच्या दालनासमोरील व्हरांड्यातच करजगाव (ता. चाळीसगाव) येथील एकाने वकिलाच्या अंगावर पेट्रोल टाकून त्यांना जिवंत जाळण्याचा प्रयत्न केला. हा प्रकार लक्षात येताच इतर वकील तत्काळ धावल्याने मोठा अनर्थ टळला. दरम्यान , हा प्रकार करणाऱ्याला पोलिसांनी ताब्यात घेतले असून , याप्रकरणी शहर पोलिसांत त्याच्याविरोधात मंगळवारी सायंकाळी गुन्हा दाखल झाला आहे.याबाबत येथील अ‍ॅड. सतीश खैरनार यांनी दिलेल्या फिर्यादीत म्हटले आहे , की करजगाव येथील किसन मोतीराम सांगळे यांनी त्यांच्या शेतजमिनीच्या दिवाणी वादाबाबत २०१० ते २०१३ दरम्यान चाळीसगाव न्यायालयात दावा दाखल केला होता. त्यांच्यातर्फे अ‍ॅड. खैरनार काम पाहात होते. या बाबत सविस्तर माहिती अशी की,खटल्यात सांगळे यांच्या बाजूने मनाई हुकूम पारीत करून दिला होता. त्यानंतर सांगळे यांच्या दुसऱ्या जमिनीबाबत असलेल्या दिवाणी दाव्यात ते सहकार्य करीत नसल्याने अ‍ॅड. खैरनार यांनी दुसरा वकील नेमावा , असे किसन सांगळे यांना सांगितले होते. दोन्ही दाव्य...

पुणे प्रतिनिधी: शहरात वाहन चोरीच्या घटनांमध्ये वाढ होत असून चोरटे मोटारींचे सायलेन्सर चोरीकडे वळाले असल्याचे उघडकीस आले आहे. शहर आणि जिल्ह्यात मोटारींचे सायलेन्सर चोरणाऱ्या चोरट्यांना लोणीकाळभोर पोलिसांनी अटक केली. त्यांच्याकडून सायलेन्सर चोरीचे १४ गुन्हे उघडकीस आले असून तीन लाख ६० हजारांचे सायलेन्सर जप्त करण्यात आले आहेत. शिवप्रसाद पंढरीनाथ रोकडे (वय २१) , राम राजेश ढोले (वय २० , दोघे रा. आळंदी , ता. खेड , जि. पुणे) अशी अटक करण्यात आलेल्यांची नावे आहेत. रोकडे , ढोले यांनी शहर आणि जिल्ह्यात मोटारीचे सायलेन्सर चोरीचे गुन्हे केले होते. लोणी काळभोर पोलिसांनी दोघांना नुकतेच पकडले. त्याच्याकडून सायलेन्सर चोरीचे १४ गुन्हे उघडकीस आले आहेत. दोघांनी विमानतळ , येरवडा , सासवड , हडपसर , कोंढवा भागात सायलेन्सर चोरीचे गुन्हे केल्याचे तपासात उघडकीस आले आहे. दोघांना पोलीस कोठडीत ठेवण्याचे आदेश न्यायालयाने दिले आहेत. अतिरिक्त पोलीस आयुक्त नामदेव चव्हाण , उपायुक्त नम्रता पाटील , सहायक आयुक्त बजरंग देसाई यांच्या मार्गदर्शनाखाली लोणीकाळभोर पोलीस ठाण्याचे वरिष्ठ निरीक्षक राजेंद्र मोकाशी , गुन्हे शाखेती...

पुणे प्रतिनिधी: चाकण ते वासुली फाटा (ता.खेड) या नूतनीकरण झालेल्या रस्त्यावर अपघातांची मालिका सुरूच आहे. आंबेठाण येथील अंगारमळा परिसरात झालेल्या अपघातात शिंदेगाव येथील एका माजी सरपंचांचा मृत्यू झाला आहे.हा रस्ता रुंद आणि गुळगुळीत झाल्यापासून अपघातांची मालिका सुरूच आहे. मागील आठ ते दहा महिन्यांच्या काळात या मार्गावर झालेल्या अपघातात जवळपास बारा ते तेरा नागरिकांना आपला जीव गमवावा लागला आहे.त्यामुळे या मार्गावर गतिरोधक उभारण्याची जोरदार मागणी होत आहे. याबाबत सविस्तर  माहिती अशी की, चाकण ते करंजविहिरे हा जवळपास १९ किमी लांबीचा रस्ता आहे. हायब्रीट   योजनेत या मार्गाचे रुंदीकरण आणि काँक्रीटीकरण करण्यात आले आहे. रस्त्याचे काम चांगले झाले आहे. रस्ते नवीन झाल्याने वाहनांचा वेग वाढला असून त्यावर नियंत्रण ठेवण्यासाठी मात्र गतिरोधक नाहीत.या एकूण मार्गापैकी चाकण ते वासुली फाटा हा बारा किमी लांबीचा रस्ता मात्र नागरिकांना जीवघेणा ठरत आहे. रस्त्याच्या दुतर्फा औद्योगिक वसाहत आणि मोठ्या प्रमाणात नागरिकीकरण झाल्याने वर्दळ मोठी आहे. गुळगुळीत रस्ते झाल्याने वाहनांचा वेग प्रचंड आहे.परंतु या मार्...

पुणे प्रतिनिधी : दोन वर्षांहून अधिक काळ करोनाच्या विळख्यात गेल्यानंतर गुढीपाडव्यापासून निर्बंधमुक्त वातावरणामुळे सर्वानीच मोकळा श्वास सोडला. त्याचाच एक भाग म्हणजे गेल्या काही दिवसांपासून गावोगावच्या यात्रांमुळे जिकडेतिकडे उत्सवी वातावरण दिसू लागले आहे. बैलगाडा शर्यती , कुस्त्यांचे आखाडे , लोकनाटय़ तमाशांसह भरगच्च कार्यक्रमांची रेलचेल होऊ लागली आहे. त्यामुळे गावगाडय़ाच्या अर्थचक्राला एकप्रकारे गती प्राप्त झाली आहे. पै-पाहुण्यांना निमंत्रणे , विविध रूचकर पदार्थाचा समावेश असणाऱ्या जेवणावळी , देवपूजा , देवदर्शन , पालखी सोहळा , गावातील एकूणच उत्सवी वातावरण अशा एक ना अनेक गोष्टी दरवर्षी दिसून येत होत्या. मार्च २०२० पासून करोनाचा प्रादुर्भाव झाला आणि नेहमीचे उत्सवी वातावरण एकदम सुतकी वातावरणात बदलून गेले. घराबाहेर पडणे अवघड होऊन बसले. रस्त्यावरील वावर कमी झाला. गर्दी टाळण्याचे शासकीय आदेश देण्यात आले. त्यामुळे जागोजागी शुकशुकाट जाणवू लागला. आजूबाजूला करोना रुग्णांची तसेच करोनामुळे होणाऱ्या मृतांची संख्या वाढू लागल्याने भीतीचे वातावरण पसरले होते. सगळं जनजीवनच ठप्प झाल्याचे चित्र निर्माण झाले होत...

पुणे प्रतिनिधी: दहशत माजविणाऱ्या गुंडाला गुन्हे शाखेने पकडले. त्याच्या बरोबर असलेल्या एका अल्पवयीन मुलाला ताब्यात घेण्यात आले. विवेक गवळी (लक्ष्मीनगर , येरवडा) असे अटक करण्यात आलेल्याचे नाव आहे आणि त्याच्याबरोबर असलेल्या एका अल्पवयीन साथीदाराला ताब्यात घेण्यात आले. लोहगाव भागात अनिल विटकर याच्यावर वादातून अक्षय नागरे , स्वप्नील भालेकर , कुणाल देशमुख , आकाश सोनवणे आणि साथीदारांनी हल्ला केला होता. टोळक्याने परिसरात दहशत माजविली होती. या घटनेची माहिती मिळाल्यानंतर पोलिसांनी टोळक्याचा पाठलाग केला होता. दहशत माजविणे तसेच खुनाचा प्रयत्न केल्या प्रकरणी विमानतळ पोलीस ठाण्यात गुन्हा दाखल करण्यात आला होता. या प्रकरणात गवळी आणि त्याच्या बरोबर असलेला एक अल्पवयीन मुलगा सामील असल्याची माहिती गुन्हे शाखेच्या युनिट चारला मिळाली. त्यानंतर सापळा लावून दोघांना ताब्यात घेण्यात आले. गुन्हे शाखेचे पोलीस निरीक्षक जयंत राजुरकर , उपनिरीक्षक जयदीप पाटील , महेंद्र पवार , राजस शेख , नागेशसिंग कुंवर , प्रवीण भालचिम आदींनी ही कारवाई केली.