समर्थ भारत

मंचर प्रतिनिधी: मंचर पोलीस ठाण्याच्या हद्दीत मंचर भोरवाडी,ता.आंबेगाव,जि.पुणे येथे अव्वैधरीत्या सोरट नावाच्या जुगाराचा मुद्देमाल जवळ बाळगून खेळत असताना व इतरांना खेळण्यास भाग पाडत असल्याची मंचर पोलिसांनी रविवार दि.२७ फेब्रुवारी २०२२ रोजी गुन्ह्याची नोंद केली आहे. याबाबत सविस्तर माहिती अशी की मंचर पोलीस ठाण्याच्या हद्दीत मंचर भोरवाडी,ता.आंबेगाव,जि.पुणे याठिकाणी अव्वैधरीत्या सोरट नावाच्या जुगाराचा मुद्देमाल जवळ बाळगून खेळत असताना व इतरांना खेळण्यास भाग पाडत असल्याची माहिती मंचर पोलिसांना गुप्त बातामिदारामार्फात समजली असता याबाबत पंच घेऊन घटनास्थळी जाऊन कारवाई करण्यास मंचर पोलीस ठाण्याचे निरीक्षक पोलीस निरीक्षक यांनी पोलीस स्टाफ यांना सांगण्यात आले. रविवार दि.२७ फेब्रुवारी २०२२ रोजी मौजे भोरवाडी,ता.आंबेगाव,जि.पुणे गावच्या हद्दीत बैलगाडा घाटाच्या पूर्व बाजूला असणाऱ्या झाडाच्या आडोशाला दोषी महिला ताई बबन पवार (वय २१ वर्षे)सध्या राहणार.खराबवाडी,अभिनव हॉस्पिटलजवळ ता.आंबेगाव,जि.पुणे हिने एक आयताकृती लांबीचा बोर्ड त्यावर छत्री,बॉल,फुलपाखरू यांसारखे इतर चिन्ह असे वेगवेगळे १२ चिन्हे असलेला आणि...

घोडेगाव :प्रतिनिधी शिनोली ता. आंबेगाव येथील शंकर बाबूराव बोऱ्हाडे यांनी यांच्यासह इतरांच्या सामायिक मालकीच्या क्षेत्रातील सागाची झाडे कुठलीही परवानगी न घेता बेकायदेशीररित्या तोडून विक्री केली आहे! या क्षेत्रात शेकडो सागाची आणि इतर झाडे असून सदर वृक्षतोडीमुळे पर्यावरणाची देखील मोठी हानी झाली आहे. याबाबत सौ उज्वला बारवे बोऱ्हाडे यांनी घोडेगाव पोलीस स्टेशन आणि घोडेगाव वनपरिक्षेत्र अधिकारी कार्यालयात कायदेशीर तक्रार दिली आहे. घोडेगाव पोलिसांनी याबाबत माहिती घेऊन शंकर बाबुराव बोऱ्हाडे भा.द.वि. कलम ४२७ प्रमाणे गुन्हा दाखल करून घेतला असून वनपरिक्षेत्र कार्यालयाकडून पंचनाम्याचे आदेश देण्यात आले आहेत.  महाराष्ट्र झाडे तोडणे नियमन १९६४ अंतर्गत कलम तीन तरतुदींचा भंग करून झाडे तोडल्यास वृक्ष अधिकारी चौकशी करून गुन्हा दाखल करू शकतात. स्वतंत्र वन गुन्ह्यांत दोन हजारांवरून पाच हजार रुपये शिक्षेची तरतूद केली आहे. तसेच, अवैध वाहतूक केल्यास १९२७ चे कलम ४२ नुसार एक वर्ष कारावास किंवा पाच हजार रुपये दंड किंवा दोन्ही, अशी शिक्षेची तरतूद आहे याबाबत आधी सूचीमधील झाडांची अवैध वृक्षतोड व वाहतूक करण्यासंदर्...

मंचर:प्रतिनिधी पुणे जिल्हा परिषद शिक्षण विभाग आयोजित जिल्हा गुणवंत शिक्षक पुरस्कार वितरण समारंभ माननीय नामदार श्री .अजितदादा पवार साहेब उपमुख्यमंत्री महाराष्ट्र राज्य यांच्या शुभहस्ते अल्प बचत भवन पुणे येथे पार पडला . यावेळी आंबेगाव तालुक्यातील थोरांदळे शाळेचे आदर्श शिक्षक श्री संतोष कृष्णा गवारी यांना जिल्हास्तरीय पुरस्कार व शिष्यवृत्ती मार्गदर्शक शिक्षक पुरस्काराने सन्मानित करण्यात आलेआहे .   कार्यक्रमाचे अध्यक्ष माननीय सौ . निर्मलाताई पानसरे त्याचप्रमाणे माननीय श्री .आयुष प्रसाद साहेब मुख्य कार्यकारी अधिकारी पुणे , माननीय श्री . रणजीत शिवतारे उपाध्यक्ष पुणे जिल्हा परिषद पुणे हे कार्यक्रमात उपस्थित होते . संतोष गवारी सर यांनी थोरांदळे शाळेमध्ये विविध उपक्रम तसेच उल्लेखनीय काम केल्याबद्दल त्यांना हा पुरस्कार देण्यात आला .    गेल्या दहा वर्षांमध्ये थोरांदळे येथे त्यांनी एकूण ८८लाख ६३९रुपये निधी रोख आणि वस्तू स्वरूपात शाळेला मिळवून देण्यामध्ये मोलाचे योगदान दिले आहे .      त्याच प्रमाणे यशवंतराव चव्हाण कला क्रीडा स्पर्धेमध्ये विद्यार्थ्यांनी २००पेक...

  मंचर प्रतिनिधी: मंचर येथील पुणे नाशिक महामार्गालगत असणाऱ्या संस्कृती हॉटेल समोर एका बेशिस्त कंटेनर चालकाने 62 वर्षीय व्यक्तीस धडक देऊन गंभीररित्या जखमी केले आहे. याबाबत सविस्तर वृत्त असे की, पुणे नाशिक महामार्गावर अवसरी खुर्द च्या हद्दीतील संस्कृती हॉटेल समोर उत्तर प्रदेश येथील पवन कुमार या इसमाने पुणेकडून नाशिककडे जात असताना त्याच्या ताब्यातील कंटेनर क्र. एन. एल. 01 ए. ई. 3247 या वाहनाने भोरवाडी येथील रहिवासी काळूराम गेनभाऊ कौदरे यांच्या स्कुटीला मागून येऊन जोरदार धडक दिली. यात त्यांच्या उजव्या पायाला आणि डोळ्याला किरकोळ तसेच गंभीर स्वरूपाची दुखापत झाली असून त्यांच्या ताब्यातील वाहनाचेही नुकसान झाले आहे. याबाबत त्यांच्या मुलाने मंचर पोलिस स्टेशन येथे तक्रार दिली असून मंचर पोलीस स्टेशन चे पोलीस निरीक्षक सतीश होडगर यांच्या मार्गदर्शनाखाली पोलीस हवालदार साबळे हे पुढील तपास करत आहेत. व्हिडिओ पाहण्यासाठी येथे क्लिक करा.

  घोडेगाव प्रतिनिधी: युगप्रवर्तक प्रतिष्ठाण संचलित भारतरत्न डॉ बाबासाहेब आंबेडकर यांच्या १३१ व्या जयंती निमित्त जयंती मोहत्सव समितीचे अध्यक्ष अमित (भाऊ) रोकडे यांच्या अध्यक्षतेखाली नियोजनाची बैठक पार पडली या वर्षी दरवर्षी प्रमाणे  घोडेगाव या तालुक्याच्या ठिकाणी दिनांक १४ एप्रिल २०२२  रोजी  महाराष्ट्र राज्याचे गृहमंत्री मा ना दिलीपरावजी वळसे पाटील साहेब यांच्या अध्यक्षतेखाली जयंती मोहत्सव साजरा होणार असल्याची माहिती युगप्रवर्तक प्रतिष्ठाण चे संस्थापक अध्यक्ष गौतमराव खरात यांनी दिली यावेळी दोन वर्षे कोरोना संकट संपूर्ण मानव जातीवर आले होते त्यामुळे मागील दोन वर्षे जयंती धुमधडाक्यात साजरी करता आली नव्हती परंतु आता कोरोना संकट जवळजवळ दूर झाले असून या वर्षी जयंती चांगल्या प्रमाणात करण्याचे सर्वच सदस्यांनी सांगितले यावेळेस कोरोना काळात ज्या लोकांनी चांगल्या प्रकारे काम केले आहे मग त्या मध्ये डॉकटर,नर्स, परिचारिका,अंबुलन्स  ड्रायव्हर,सामाजिक कार्यकर्ते ,सेवाभावी संस्था,पोलीस विभागातील कर्मचारी ,अधिकारी  लॉकडाऊन काळात अन्नदान करणाऱ्या व्यक्ती ,संस्था यांचा सन्मान प...

जुन्नर प्रतिनिधी: जुन्नर तालुक्यात सहकार सोसायटीच्या निवडणुकीने ग्रामीण राजकारण ढवळून निघाले आहे गावागावात गटातटाच्या राजकारणाने भाऊबंदकी राजकारणाचा पारा चढला असुन जिल्हा परीषद आणी पंचायत समिती निवडणुका तोंडावर आल्याने आता नजरा गट -गणाच्या आरक्षणाकडे आहेत.यामुळे गाव यात्रामधेही आता राजकीय पुढारी हजेरी लावुन निवडणूक आल्याची चाहुल देऊ लागले आहेत. गावपातळीवर आर्थिक कणा मानल्या गेलेल्या सोसायटीच्या माध्यमातून शेतीपिकासाठी कर्ज दिले जाते.ग्रामपंचायतीच्या आणी सोसायट्याच्या निवडणुका महत्वाच्या असतात.यामुळे सर्व राजकीय पक्षांनी या सोसायटीच्या निवडणुकीकडे जास्त लक्ष केंद्रित केले आहे.   प्रचाराच्या रणधुमाळीला सुरुवात कोरोनामुळे सुमारे एकदीड वर्ष या सोसायट्याच्या निवडणूक रेगांळल्या होत्या पर्यायाने त्यांना मुदतवाढ मिळाली होती. आता सर्वच तालुक्यातील सोसायट्याच्या निवडणुका जाहीर झाल्या असून प्रचाराच्या रणधुमाळीला सुरुवात झाली आहे. स्थानिक राजकीय समीकरणे अवलंबून सोसायटीची निवडणूक म्हणजे गावाची “ मिनी विधानसभा “ च असते. सोसायटीमधून एकजण जिल्हा बँकेच्या निवडणुकीसाठी मतदान करतो.त्या प्रत...

  समर्थ भारत न्यूज नेटवर्क: औरंगाबाद शहरातील चंपा चौक परिसरात गुरुवारी रात्री गुंडांनी हातात तलवारी घेऊन काही वाहनांची तोडफोड केली. खुनाच्या गुन्ह्यातून आठ दिवसांपूर्वीच जामिनावर सुटलेल्या अशफाक पटेल या गुन्हेगाराने दोन ते तीन साथीदारांसह चंपा चौकात   हा प्रकार घडवला.   हातात तलवारी घेऊन आलेले हे लोक दुकाने बंद करण्याची धमकी देत होते. हातात असलेल्या तलवारींनी ते वाहनांची नासधूस करू लागले. या घटनेत दोन वाहनांच्या काचा फोडल्या. त्यामुळे व्यावसायिकांनी घाबरून दुकाने बंद केली , काहींनी दुकाने तशीच सोडून पळ काढला. या घटनेमुळे गुरुवारी रात्री परिसरात काही काळ तणाव निर्माण झाला. पोलिसांनी घटनास्थळी धाव घेतल्यानंतर तणाव निवळला , पण शहराती गुंडगिरीनं मर्यादा ओलांडल्याचे पुन्हा एकदा पहायला मिळाले. काय घडलं गुरुवारी रात्री ? याप्रकरणी अधिक माहिती अशी की , गुरुवारी रात्री नऊ वाजता चंपा चौकातील बाजारपेठ नेहमीप्रमाणे सुरु होती. दुकानात ग्राहकांची गर्दी होती तर रस्त्यावरही अनेक वाहनांची ये-जा सुरु होती. तवेढ्यात पटेल आणि त्याच्या टोळक्याने हवेत तलवारी भिरकावत व्यावसायिकांना शिवीगाळ...

खेड प्रतिनिधी: पुण्यातील   खेड घाटात झालेल्या खुनाचा ( उलगडा करण्यात पोलिसांना अवघ्या काही तासांत यश आलं आहे. दोघा जणांना स्थानिक गुन्हे शाखेच्या पथकाने अटक केली आहे. जुन्या भांडणाच्या वादातून मित्रांनीच मित्राचा खून केल्याचा आरोप आहे. पुणे नाशिक महामार्गावरील खेड घाटाच्या खोल दरीत 28 वर्षीय तरुणाचा मृतदेह सापडला होता. कोयत्याने वार करुन तरुणाची निर्घृण हत्या करण्यात आली होती. खेड घाटात एकत्र दारु पिऊन दोघांनी तरुणाचा खून केल्याचं समोर आलं आहे. आरोपीला दोन दिवसात जेरबंद करण्यात स्थानिक गुन्हे शाखेला यश आले आहे. काय आहे प्रकरण ? जुन्या वादातून मित्राचा खून नाशिक महामार्गावरील खेड घाटाच्या खोल दरीत एका तरुणाचा मृतदेह आढळून आला होता. तरुणाच्या डोक्यात धारदार कोयत्याने वार करुन मृतदेह खोल दरीत फेकण्यात आला होता. स्वप्नील सखाराम चौधरी (वय 28 वर्ष) असं हत्या झालेल्या तरुणाचं नाव आहे. घटनेची माहिती मिळताच खेड पोलिसांनी तात्काळ घटनास्थळ गाठत मृतदेह ताब्यात घेतला. या प्रकरणी खुनाचा गुन्हा दाखल करत अधिक तपास सुरु करण्यात आला. या खुनाचा उलगडा करण्यात पोलिसांना अवघ्या काही तासांत यश आलं ...

पुणे प्रतिनिधी : कोरोना महासाथीत देशाच्या सकल राष्ट्रीय उत्पन्नात वाढ झालेली नाही , तर बेरोजगारीमध्ये वाढ झाली आहे , असे निरीक्षण ज्येष्ठ अर्थतज्ज्ञ आणि गोखले राज्यशास्त्र आणि अर्थशास्त्र संस्थेचे कुलगुरू डॉ. अजित रानडे यांनी नोंदवले. पुणे इंटररनॅशनल सेंटरतर्फे आयोजित एशिया इकॉनॉमिक डॉयलॉग या परिषदेत ‘ महासाथीनंतरच्या जगात उपजीविकेसाठीची निर्मिती आणि उत्पन्न वाढ ’ या विषयावर झालेल्या चर्चेत लंडन स्कूल ऑफ इकॉनॉमिक्समधील प्रा. मैत्रीश घटक , लंडनच्या किंग्ज कॉलेजमधील प्रा. अम्रिता धिल्लन , बांगलादेश इन्स्टिटय़ूट ऑफ डेव्हलपमेंट स्टडीजचे महासंचालक डॉ. बिनायक सेन , न्यूयॉर्क विद्यापीठातील प्रा. जोनाथन मोर्डच यांनी सहभाग घेतला. गोखले राज्यशास्त्र आणि अर्थशास्त्र संस्थेचे कुलगुरू डॉ. अजित रानडे या चर्चासत्राच्या अध्यक्षस्थानी होते. महासाथीच्या काळातील आर्थिक विषयांबाबत अभ्यासकांनी चर्चासत्रात भाष्य केले.   भारतातील उद्योगांमधील रोजगारांमध्ये घट झाली आहे. रोजगाराविना होणाऱ्या विकासाचा उपयोग नाही. कल्याणकारी योजना राबवण्याकडे लक्ष द्यायला हवे. आर्थिक अडचणी लक्षात घेऊन खासगी क्षेत्राची गुंत...

पुणे प्रतिनिधी:   महाराष्ट्र राज्य शिक्षक पात्रता परीक्षा घोटाळा प्रकरणाची व्याप्ती दिवसेंदिवस वाढत आहे.   टीईटी परीक्षा घोटाळा प्रकरणी  650 बोगस प्रमाणपत्र पुणे सायबर पोलिसांनी जप्त केली आहेत. तर राज्य परीक्षा परीषदेकडे बोगस प्रमाणपत्राबाबत 45 तक्रारी प्राप्त झाल्या आहेत. 203 अपात्र परीक्षार्थींना पात्र केल्याचा पुरावा राज्य परीक्षा परिषदेला मिळाला आहे. आतापर्यंत 2019-20 च्या परिक्षेतली 400 तर 2018 च्या परीक्षेमध्ये पास झाल्याचे दाखवून 250 बनावट प्रमाणपत्रे दिल्याचे तपासात उघड केलं आहे. पोलिसांनी या प्रकरणी अटक केलेल्या तुकाराम सुपे , अभिषेक सावरीकर व एजंटांकडून 81 बनावट प्रमाणपत्रे जप्त केली आहेत. जी ए सॉफ्टवेअर कडून जप्त करण्यात आलेल्या डिजिटल पुराव्याची पडताळणी सुरु असल्याची माहिती पुणे पोलिसांनी दिली आहे. स्वतंत्र गुन्हे दाखल 2018 च्या टीईटी परीक्षेत 1 हजार 778 अपात्र परीक्षार्थीकडून पैसे घेऊन त्यांना पात्र केलाच तपासात उघड झाले आहे. 2018 व 2019-20 अशा दोन्ही परीक्षांमध्ये गैरव्यवहार झाल्याने त्यात स्वतंत्र गुन्हे पोलिसांकडून दाखल करण्यात आले आहेत. 2018 च्या गुन्...

औरंगाबाद प्रतिनिधी: वैजापूर शिवसेनेचे आमदार रमेश बोरनारे यांनी भावजयीला मारहाण केल्याप्रकरणी येत्या सात दिवसात चौकशीचा अहवाल सादर करा , असे आदेश देण्यात आले आहेत. विशेष पोलीस महानिरीक्षक के. एम. मल्लिकार्जुन प्रसन्ना यांनी पोलीस अधीक्षक निमित गोयल यांना हे आदेश दिले आहेत. कायदा सर्वांसाठी समान असतो , त्यामुळे या प्रकरणात दोषींवर निश्चित कारवाई केली जाईल , असं अश्वासन पोलीस महानिरीक्षकांनी दिलं आहे.   राजकीय दबावापोटी वैजापूरचे   पोलीस ठोस भूमिका घेत नाहीयेत , असा संशय व्यक्त करण्यात आला होता. भाजपच्या चित्रा वाघ   यांनी पोलिसांच्या भूमिकेवर संशय व्यक्त केला होता. त्यानंतर पोलीस महासंचालकांनी घटनेचे गांभीर्य ओळखून या प्रकरणी चौकशीचे आदेश दिले आहेत. वैजापूर पोलिसांच्या भूमिकेवर संशय 18 फेब्रुवारी रोजी केंद्रीय अर्थ राज्यमंत्री डॉ. भागवत कराड यांच्या उपस्थितीत वैजापूर तालुक्यातील सटाणा येथील कार्यक्रमात आमदार बोरनारे यांच्या भावजय जयश्री बोरनारे उपस्थित होत्या. तुम्ही भाजपच्या कार्यक्रमाला का गेल्या , असा सवाल करत आमदार रमेश बोरनारे यांनी त्यांना मारहाण केल्याची तक्रार ज...

बीड प्रतिनिधी : गेल्या 24 तासांत शिक्षक आणि शेतकऱ्यासह   तिघा जणांनी आत्महत्या   केल्याच्या घटनांनी बीड जिल्ह्यातील माजलगाव तालुका अक्षरशः हादरून गेला आहे. शिक्षक सुरेश बडे , शेतकरी रामचंद्र गरुड आणि कृष्णा कोके या तरुणाने आपल्या आयुष्याची अखेर केली. या तिघांनीही गळफास घेऊन आपली जीवनयात्रा संपवली आहे. नैराश्यातून शिक्षकाने जीव दिल्याचं समोर आलं आहे. तर व्यवहारातील आर्थिक जाचास कंटाळून शेतकऱ्याने गळफास घेतला. तरुणाच्या आत्महत्येचं कारण अद्याप समजलं नाही. शिक्षकाचा घरात गळफास पहिली घटना , शहरालगत असणाऱ्या केसापुरी कॅम्प येथे घडली. सुरेश रामकिसन बडे (वय 37, रा. गावंदरा ता. धारूर) हे शिक्षक तिथे राहत होते. त्यांनी नैराश्यातून गुरुवारी पहाटे तीन वाजताच्या सुमारास आत्महत्या केली. घरातील लोखंडी आडयाला गळफास घेऊन त्यांनी जीवनयात्रा संपवली. ही घटना सकाळी त्यांचे चुलते सुभाष श्रीरंग बढे यांच्या निदर्शनास आली. त्यांच्या माहितीवरुन माजलगाव शहर पोलिसात गुन्हा दाखल करण्यात आला. तरुणाचा बेल्टने गळफास दुसरी घटना , राजेवाडी येथे कृष्णा बालासाहेब कोके (वय 19 वर्षा) या युवकाने आत्महत्या ...

मंचर  प्रतिनिधी: कर्नाटक राज्यातील शिमोगा येथे बजरंग दलाचे कार्यकर्ते हर्ष यांच्या हत्येच्या निषेधार्थ विश्व हिंदू परिषद बजरंग दल आंबेगाव तालुका यांच्या वतिने बुधवारी तहसिलदार कार्यालय घोडेगाव या ठिकाणी निषेध नोंदवण्यात आला तर संध्याकाळी मंचर येथे शोक सभेचे आयोजन करण्यात आले होते. यावेळी मोठ्या संख्येने हिंदूत्ववादी संघटनांचे कार्यकर्ते सहभागी झाले होते.  कार्नाटकात सोशल मिडीयावर पोस्ट केली म्हणून हर्ष या कार्यकर्त्यांची निघृण हत्या करण्यात आली या हत्येच्या निषेधार्थ बजरंग दलाच्या वतिने मंचर येथील श्रीराम मंदिरापासुन  शोक सभा याञेला सुरुवात करुन छञपती शिवाजी महाराज चौकात या शोक सभेची सांगता झाली. या वेळी बजरंग दलाचे सुमित शिनगारे यांनी बोलताना या घटनेचा तिव्र निषेध नोंदवला व अपराध्यांना फाशिची शिक्षा देण्याची मागणी केली. यावेळी अनेकांनी हर्ष यांना मृणालिणी पडवळ, संतोष खामकर यांनी  श्रद्धाजंली अर्पण केली. तहसिलदारांना निवेदन देण्यात आले त्यात म्हंटले आहे की, हर्ष या कार्यकर्त्यांची हत्या अतिशय निंदनीय घटना आहे. विषारी मानसिकता तसेच संविधान न मानणाऱ्या मानसिकतेने पछाडल...

  पुणे प्रतिनिधी : पुण्यातील   खेड घाटात झालेल्या खुनाचा   उलगडा करण्यात पोलिसांना अवघ्या काही तासांत यश आलं आहे. दोघा जणांना स्थानिक गुन्हे शाखेच्या पथकाने अटक केली आहे. जुन्या भांडणाच्या वादातून मित्रांनीच मित्राचा खून केल्याचा आरोप आहे. पुणे नाशिक महामार्गावरील खेड घाटाच्या खोल दरीत 28 वर्षीय तरुणाचा मृतदेह सापडला होता. कोयत्याने वार करुन तरुणाची निर्घृण हत्या करण्यात आली होती. खेड घाटात एकत्र दारु पिऊन दोघांनी तरुणाचा खून केल्याचं समोर आलं आहे. आरोपीला दोन दिवसात जेरबंद करण्यात स्थानिक गुन्हे शाखेला यश आले आहे. काय आहे प्रकरण ?               नाशिक महामार्गावरील खेड घाटाच्या खोल दरीत एका तरुणाचा मृतदेह आढळून आला होता. तरुणाच्या डोक्यात धारदार कोयत्याने वार करुन मृतदेह खोल दरीत फेकण्यात आला होता. स्वप्नील सखाराम चौधरी (वय 28 वर्ष) असं हत्या झालेल्या तरुणाचं नाव आहे. घटनेची माहिती मिळताच खेड पोलिसांनी तात्काळ घटनास्थळ गाठत मृतदेह ताब्यात घेतला. या प्रकरणी खुनाचा गुन्हा दाखल करत अधिक तपास सुरु करण्यात ...

  जुन्नर प्रतिनिधी: जुन्नर नगर पालिकेच्या प्रारूप रचनेचा आराखडा दोन मार्चपर्यंत राज्य निवडणूक आयोगाने जिल्हाधिकाऱ्यांकडे सादर करण्यास सांगितले आहे. त्यामुळे आगामी निवडणुकीचे इच्छुकांना वेध लागले आहेत.या आराखड्यास ७ मार्चपर्यंत जिल्हाधिकारी मान्यता देणार असून , १० मार्चपर्यंत नागरिकांच्या माहितीसाठी प्रभाग रचना व मार्गदर्शक नकाशे प्रसिद्ध करण्यात येणार आहेत. प्रभाग रचनेवर नागरिकांना १७ मार्चपर्यंत हरकती व सूचना घेता येतील. हरकती व सूचनांवर २२ मार्चपर्यंत सुनावणी होईल. हरकती व सूचनांच्या अनुषंगाने २५ मार्चपर्यंत पालिका प्रशासनाला अहवाल मिळणार असून , एक एप्रिलला राज्य निवडणूक आयोगाची प्रभाग रचनेस अंतिम मान्यता मिळणार आहे. अंतिम अधिसूचना ५ एप्रिलपर्यंत प्रकाशित करण्यात येणार आहे. जुन्नर नगरपालिकेच्या विद्यमान सदस्यांची मुदत ९ जानेवारीला संपली आहे. त्यामुळे इच्छुकांचे डोळे नगर पालिकेच्या प्रभाग रचना व आरक्षण सोडतीकडे लागले आहेत. सदस्य संख्येत तीनने वाढ नवीन प्रभाग रचनेत पालिकेच्या सदस्यांची संख्या वाढणार आहे. राज्य सरकारच्या २ नोव्हेंबर २०२१ च्या अध्यादेशानुसार ‘ क ’ वर्गासाठी सदस्य ...

शिरुर प्रतिनिधी – लग्न म्हणजे प्रत्येकाच्या जीवनातील महत्वाचा आनंदी क्षण मात्र काहींना आपल्या लग्नामध्ये हौस मौज करणे शक्य नसते.   परंतु पुणे जिल्हातील एका कुटुंबाने आपल्या 73  वर्षीय वडील व 68 वर्षीय आईच्या लग्नाच्या पन्नासाव्या वाढदिवसानिमित्त त्यांचा पुन्हा पूर्णपणे वैदिक पद्धतीने विवाह करत साजरा केला. आई वडिलांना पन्नास वर्षानंतर एक अनोखी भेट दिल्याचे पाहायला मिळाले , पुण्याच्या शिरूर तालुक्याच्या शिक्रापूर येथील प्रसिद्ध छायाचित्रकार अतुल थोरवे यांच्या आई माणिकबाई व वडील रामदास यांचा १९७२ सालच्या दुष्काळात विवाह झाला होता. दुष्काळ असल्याने त्यांचा विवाह हा सध्या पद्धतीने झाला. त्यांनतर या दाम्पत्याने पुणे जिल्ह्यातील जुन्नर तालुक्यातून कष्टाने संसार उभा करून आपल्या दोन मुले , दोन मुलींचे शिक्षण करत त्यांचाही संसार उभा करून दिला.आपल्या आई वडिलांच्या कर्तृत्वाची जाणीव त्यांच्या चारही मुलांना आहे. यातूनच त्यांनी आई वडिलांच्या ; लग्नाचा पन्नासावा वाढदिवस थाटात साजरा करायचा ठरवले अन पुन्हा विवाह करण्याचा निर्णय घेतला आई वडील नेहमी त्यांना त्यांच्या जून्या दिवसांचे धडे देत हो...

मंचर प्रतिनिधी: महाळुंगे पडवळ ता.आंबेगाव येथून दिनांक.१९.फेब्रु.२०२२ रोजी किसन नाथा घोडेकर(वय-५८) हे  महाळुंगे पडवळ येथील त्यांच्या राहत्या घरातून बेपत्ता झाले असल्याची तक्रार त्यांचा मुलगा तेजस किसन घोडेकर(वय-३४) यांनी मंचर पोलीस ठाण्यात दिली आहे.फिर्यादीचे वडील किसन नाथा घोडेकर हे दि.१९ रोजी सायंकाळी ५च्या सुमारास मी गावात जातो आहे असे सांगून निघून गेले.त्यानंतर उशिरापर्यंत ते घरी परत न आल्याने त्यांचा आजूबाजूला परिसरात व इतर नातेवाईकांकडे शोध घेतला असता अजूनही ते मिळाले नाही.यावरुन ते बेपत्ता असल्याची तक्रार देण्यात आली आहे. बेपत्ता व्यक्तीचे वर्णन: नाव: किसन नाथा घोडेकर (वय-५८) उंची ५.५ फूट, रंग-निमगोरा,चेहरा- उभट,अंगात सफेद रंगाचा खमीज व पायजमा मराठी भाषा बोलतात तरी वरील वर्णनाचे आजोबा कुठे दिसल्यास मंचर पोलिसांशी संपर्क साधावा असे आवाहन करण्यात आले आहे.पुढील तपास मंचर पोलीस करत आहे.              

मंचर प्रतिनिधी: थोरांदळे(डोंगरमळा) ता.आंबेगाव येथून दिनांक. २०.फेब्रु.२०२२ रोजी मंगेश पोपट टेमगिरे(वय-३५) हा युवक थोरांदळे येथील त्याच्या राहत्या घरातून बेपत्ता झाला असल्याची तक्रार त्यांची पत्नी सुवर्णा मंगेश टेमगिरे यांनी मंचर पोलीस ठाण्यात दिली आहे.फिर्यादीचे पती मंगेश हे दि.२० रोजी मी कामानिमित्त बाहेर चाललो आहे असे सांगून निघून गेले.त्यानंतर त्यांचा फोन बंद लागत असल्याने त्यांचा आजूबाजूला परिसरात व इतर नातेवाईकांकडे शोध घेतला असता आजपर्यंत ते मिळाले नाही.यावरुन ते बेपत्ता असल्याची तक्रार देण्यात आली आहे. बेपत्ता युवकाचे वर्णन: नाव: मंगेश पोपट टेमगिरे(वय-३५) उंची ५.६ फूट, रंग-सावळा,चेहरा- उभट,अंगात सफेद रंगाचा शर्ट व निळ्या रंगाचा पायजमा मराठी भाषा बोलतो तरी वरील वर्णनाचा युवक कुठे दिसल्यास मंचर पोलिसांशी संपर्क साधावा असे आवाहन करण्यात आले आहे.पुढील तपास मंचर पोलीस करत आहे.             

  मंचर प्रतिनिधी: थोरांदळे ता.आंबेगाव येथून दिनांक. २०.फेब्रु.२०२२ रोजी दिपाली संतोष वाबळे(वय-३०) ही महिला थोरांदळे येथील तिच्या मंचर एसटी स्टँड येथुन बेपत्ता झाली असल्याची तक्रार तिचे पती संतोष शंकर वाबळे यांनी मंचर पोलीस ठाण्यात दिली आहे.फिर्यादीची पत्नी दिपाली ही दि.२० रोजी तिची मावशी कल्याणी किरण वाळके हिस भेटण्यासाठी मुंबई येथे जाते असे सांगून निघून गेली त्यानंतर तिचा फोन बंद लागत असल्याने तिचा आजूबाजूला परिसरात व इतर नातेवाईक यांकडे शोध घेतला असता आजपर्यंत ती भेटली नाही.यावरुन ती बेपत्ता असल्याची तक्रार देण्यात आली आहे. बेपत्ता महिलेचे वर्णन: नाव: दिपाली संतोष वाबळे(वय-३०)उंची ५.६ फूट, रंग-गोरा,चेहरा उभट,अंगात सफेद रंगाचा पंजाबी ड्रेस मराठी भाषा बोलते तरी वरील वर्णनाची महीला कुठे दिसल्यास मंचर पोलिसांशी संपर्क साधावा असे आवाहन करण्यात आले आहे.पुढील तपास मंचर पोलीस करत आहे.         

पुणे प्रतिनिधी: पुणे  शहरातील वाढत्या गुन्हेगारीला आळा घालण्यासाठी साततत्याने पावले उचलत आहेत.   मागील 11 महिन्यांपासून खुनाचा प्रयत्न केल्यानंतर मोक्का कारवाई झालेले दोघे सराईत गुंड पोलिसांना चकवा देत होते. त्यांच्या शोधासाठी पोलिसांनी अनके ठिकाणी शोध घेण्याचा प्रयत्न केला मात्र त्याला यश येत नव्हते.  या गुंडाच्या शोधासाठी पोलिसांनी कधी डिलेव्हरी बॉय , कधी गॅरेज मॅकेनिक तर कधी दुधवालाचे वेषांतर करुन त्याचा शोध घेतला , मात्र गुंड पोलिसांना चकवा देण्यात यशस्वी होत होते. अखेर   पोलिसांच्या   पथकाला या दोन्ही गुंडांना लोहगाव परिसरातून अटक करण्यात यश आले आहे.   शुभम दीपक पवळे आणि आकाश ऊर्फ स्काय मंगेश सासवडे अशी अटक केलेल्या   दोघांची नावे आहेत. अशी केली करवाई पोलिसांनी दिलेल्या माहितीनुसार मागील अनेक दिवसांपासून या दोन फरार आरोपींचा पोलीस शोध घेत होते. पोलीस त्यांच्या शोधात असताना आरोपी शुभम पवळे व आकाश सासवडे हे दोघेही लोहगाव परिसरात येणार असल्याची माहिती पोलिसांना मिळाली. या माहितीच्या आधारे सापळा रचत दोघांना अटक केली. न्यायालयाने या दोघांना 10 दिवस...

लातूर प्रतिनिधी : बोहल्यावरुन चढून लग्नाच्या बेड्या घालण्याच्या तयारीत असलेल्या   लातूरमधील नवरदेवाला   अखेर पोलिसांच्या बेड्या पडल्या आहेत. लग्नाच्या एक दिवस अगोदर हळदीच्या कार्यक्रमात हातात तलवारी घेऊन नाचणे नवरदेव आणि त्याच्या मित्रांना चांगलेच महागात पडले आहे. हातात तलवार आणि कोयते घेऊन नाचणाऱ्या नवरदेव आणि त्याच्या मित्रांवर पोलिसांनी गुन्हा दाखल केला होता. यातील पाच जणांना आधीच अटक करण्यात आली होती. तर ऐन लग्नाच्या मुहूर्तावर नवरदेव फरार झाला होता. लातूरच्या विवेकानंद चौक पोलिसांनी त्याला अटक केली आहे. नेमकं काय घडलं ? लातूर शहरातल्या एलआयसी कॉलनी भागात काही युवक हळदीच्या कार्यक्रमात धिंगाणा घालत होते. मोठ्या कर्कश्श आवाजत डीजे लावून हातात तलवारी घेऊन त्यांचा डान्स सुरु होता. 16 फेब्रुवारीच्या रात्री हा हळदीचा कार्यक्रम झाला होता. हळदीच्या धिंगाण्यात पोलिसांची एन्ट्री हळदी समारंभाच्या नावाखाली धिंगाणा सुरु असल्याची माहिती मिळाल्यानंतर पोलिस घटनास्थळी पोहोचले. पोलीस आल्याचं पाहताच नाचणाऱ्यांची धावपळ सुरु झाली. सात जणांवर गुन्हा , नवरदेव फरार तलवारी ताब्यात घेऊ...