Skip to main content

पुण्यात तिसऱ्या लाटेसाठी आरोग्य विभाग सज्ज; वाढत्या रुग्ण संख्येने पुन्हा चिंतेचे वातावरण

पुणे प्रतिनिधी:

जिल्ह्यात वाढत्या कोरोना बाधितांच्या संख्येमुळे पुन्हा एकदा चिंतेचे वातावरण तयार झाले आहे. ओमायक्रॉन आणि कोरोना बाधितांची ही वाढती संख्या लक्षात घेता प्रशासन पुन्हा एकदा सज्ज झाले आहे. कुठल्याही परिस्थीतीचा सामना करण्यासाठी १५ हजार ५७५ ऑक्सीजन खाटा, ३ हजार ३३७ अतिदक्षता विभागातील खाटा तर १ हजार ८२५ व्हेटीलेटर सज्ज ठेवण्यात आले आहे, अशी माहिती जिल्हा परिषदेचे मुख्य कार्यकारी अधिकारी आयुष प्रसाद यांनी दिली.

जिल्ह्यात कोरोना बाधितांची संख्या ही दिवसेंदिवस वाढत आहे. गेल्या आठवड्यात ही संख्या टप्याटप्याने वाढली आहे. गुरुवारी पुणे शहरात २९८, पिंपरी चिंचवडमध्ये ८०, नगर पालिका क्षेत्रात १०, कॅन्टोन्टमेंट परिसरात २० तर ग्रामीण भागात ६९ असे एकुण जिल्ह्यात ४७७ रुग्ण आढळले. जिल्ह्यात एकुण २ हजार ५५६ सक्रीय कोरोना बाधित रुग्ण आहेत. ही संख्या वाढत असल्याने जिल्हा प्रशासन पुन्हा धास्तावले असून खबरदारीचा उपाय म्हणून रात्रीची संचारबंदी लागू करण्यात आहे. या वाढत्या रुग्णसंख्येच्या पार्श्वभूमीवर १५ हजार ५७५ ऑक्सिजन खाटा तयार ठेवण्यात आल्या आहेत. त्याच बरोबर ३ हजार ३३७ अतिदक्षता विभागातील खाटा तर १ हजार ८२५ व्हेटीलेटर सज्ज ठेवण्यात आले आहेत.

''ऑक्सीजनचा पुरवठा कमी पडू नये यासाठी जिल्ह्यात जवळपास ३८ ऑक्सिजण निर्मितीचे प्लँट उभारण्यात आले आहेत. यातून रोज ११ हजार ८९ लीटर पर मिनिट ऑक्सिजनची निर्मित केला जात आहे. जवळपास ३ हजार रुग्णांना ४ लीटर पर मिनिट दराने या ऑक्सिजनचा पुरवठा केला जाऊ शकतो, असे आयुष प्रसाद यांनी सांगितले. या सोबतच ४६४.८ मेट्रीक टन लिक्विड स्वरूपात ऑक्सीजन साठा करण्यात आला आहे. दुसऱ्या लाटेत ३६० मॅट्रीकटन ऑक्सिजनची मागणी होती. सध्याच्या घडीला दोन दिवस अतिरिक्त पुरवठा करता येईल येवढा साठा पुणे जिल्ह्यात उपलबद्ध असल्याचे प्रसाद यांनी सांगितले.''


पॉप्युलर

आम आदमी पक्षाचे सालीम इनामदार पोलिसांच्या ताब्यात

  मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते.  जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.

तीन गुन्ह्यांतील सराईत मंचर पोलिसांच्या ताब्यात

प्रतिनिधी आनंद नेटके : गुढी पाडव्यानिमित्त मंगळवारी (दि. ९) मंचर शहरातील बजरंग दलाचे वतीने मिरवणुकीचे आयोजन केले होते. मिरवणुकीसाठी योग्य तो बंदोबस्त लावण्यात आलेला होता. मिरवणुक बंदोबस्त चालु असताना रात्री ९ च्या सुमारास मंचर पोलीस स्टेशनचे पोलीस निरीक्षक अरूण फुगे यांना बातमीदारामार्फत बातमी मिळाली की, मंचर पोलीस स्टेशन व खेड पोलीस स्टेशनचे गुन्हयातील फरारी सराईत आरोपी शुभम सुभाष तोत्रे (रा. पॅराडाईज सोसायटी, मंचर) हा मंचर येथील लक्ष्मीरोड येथे येणार आहे.  अशी खात्रीशीर बातमी मिळाल्याने पोलीस निरीक्षक अरूण फुगे यांनी लागलीच मिळालेल्या बातमीचा आशय सहाय्यक पोलीस निरीक्षक बालाजी कांबळे, पोलीस हवालदार एस.एन. नाडेकर व मंचर पोलीस स्टेशन स्टेशनचे गुन्हे शोध पथकाचे, पोलीस अंमलदार अविनाश दळवी, पोलीस अंमलदार अजित पवार, पोलीस अंमलदार योगेश रोडे यांना सांगितल्याने सहा पोलीस निरीक्षक कांबळे व सोबतचे पोलीस स्टाफने लक्ष्मी रोड येथे जावुन सापळा लावुन थांबलेले असताना रात्रौ ९.३० च्या सुमारास शुभम तोत्रे हा लक्ष्मी रोड येथे मिरवणुकीच्या गर्दीत दिसला. शुभम तोत्रे याला पोलीसांची चाहुल लागताच तो पळुन...

लाखणगाव, पोंदेवाडी गावच्या हद्दीतून वाहने व इतर साहित्यांची चोरी

समर्थ भारत वृत्तसेवा: लाखणगाव पोंदेवाडी गावच्या हद्दीतून टेम्पो, बुलेट, स्प्लेंडर, व इतर साहित्य मिळून २ लाख ३१ हजार रुपये किमतीचे साहित्य अज्ञात चोरट्याने चोरून नेल्याची घटना दि. २६/१/२०२४ ते २७/१/२०२४ चे दरम्यान घडली असून या बाबत अन्सार गफुर चौघुले रा. लाखनगाव ता. आंबेगाव यांनी पारगाव पोलीस ठाण्यात फिर्याद दाखल केली आहे.  याबाबत अधिक माहिती अशी की फिर्यादी अन्सार चौगुले यांचा शेती व वखार व्यवसाय असून त्यांनी वखार व्यवसायासाठी पाच वर्षांपूर्वी एम. एच ०४ एस १३४८ टाटा कंपनीचा टेम्पो, तीन वर्षांपूर्वी घेतलेली एम. एच १२ एम. टी २५४१ बुलेट गाडी, दोन वर्षांपूर्वी घेतलेली एम. एच १४ एच.एक्स ५११९ स्प्लेंडर मोटरसायकल हि वाहने आहेत. फिर्यादी यांनी पोंदेवाडी गावच्या हद्दीत रोडेवाडी फाटा येथे वखारीचे साहित्य, टेम्पो, दुचाकी व इतर साहित्य ठेवण्यासाठी कंपाउंड तयार केले असून ओपन शेडमध्ये वखार तयार केली आहे. दिनांक २६ रोजी नेहमीप्रमाणे त्यांनी त्यांच्या गाड्या शेडमध्ये ठेवल्या होत्या रात्री दहा वाजता शेताला पाणी भरून ते ओपन शेड व वखारीचे शेडला कुलुप लावून तेथेच एका रूम मध्ये झोपले होते. दि. २७ रोजी...