समर्थ भारत

शिरूर प्रतिनिधी: पिंपळे जगताप ता. शिरुर येथील शेतातील एका घरातून अज्ञात चोरट्यांनी सिलेंडर, फ्रीज, इलेक्ट्रिक मोटारसह आदी साहित्य चोरून नेल्याची घटना घडली असल्याने शिक्रापूर पोलीस स्टेशन येथे अज्ञात चोरट्यावर गुन्हे दाखल करण्यात आले आहे. पिंपळे जगताप ता. शिरुर येथे दिवाकर रास्ते यांचे शेत असून त्यांनी शेतामध्ये देखील घर बांधलेले आहे, त्यांच्या घरामध्ये त्यांनी सिलेंडर, फ्रीज, इलेक्ट्रिक मोटार यांसह आदी साहित्य ठेवलेले आहे, २८ ऑक्टोबर रोजी रास्ते हे त्यांच्या शेतातील घराकडे गेलेले असताना त्यांना दरवाजाचे कुलूप तुटले असल्याचे दिसून आले त्यामुळे त्यांनी घरात पाहणी केली असताना घरातील साहित्य अस्ताव्यस्थ पडलेले दिसून आले. त्यामुळे त्यांनी घरात पाहिले असताना घरातील तीन सिलेंडर, दोन शेगडी, एक फ्रीज, तीन पाण्याच्या इलेक्ट्रिक मोटारसह आदी साहित्य चोरीला गेल्याचे दिसले त्यामुळे याबाबत दिवाकर काशिनाथ रास्ते वय ८३ रा. दिनदयाळ सोसायटी कात्रज पुणे १५ यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यावर गुन्हे दाखल केले असून सदर गुन्ह्याचा पुढील तपास पोलीस निरी...

भोसरी प्रतिनिधी: कार आणि दुचाकीच्या धडकेत सहा वर्षीय मुलीचा मृत्यू झाला असून इतर तीन जण गंभीर जखमी झाले आहेत. केंद्रीय विद्यालयाजवळ, फुगेवाडी येथे हा प्रकार घडला. याप्रकरणी कार चालकाविरुद्ध भोसरी पोलीस ठाण्यात गुन्हा दाखल करण्यात आला आहे. संजु मनोज यादव (वय ४०) मनोज ननकु यादव (वय ४०) आणि सुरेंद्र कुमार सारंगी (वय ४५, पुणे) असे अपघातात जखमी झालेल्यांची नावे आहेत. शशी शंकर राजु (वय ४५) असे गुन्हा दाखल झालेल्या कार चालकाचे नाव आहे. याप्रकरणी राजेश हिरालाल यादव (वय ३४, रा. काळेवाडी) यांनी भोसरी पोलीस ठाण्यात फिर्याद दिली आहे. पोलिसांनी दिलेल्या माहितीनुसार, आरोपी शशी याने आपली एम एच ०४/ जी झेड ३९८२ या चारचाकी गाडीने फिर्यादी यांची बहीण एम एच १४/ एन एफ १५९९ हिला जोरची धडक दिली यामध्ये फिर्यादी यांच्या बहिण व इतर दोघे जण गंभीर जखमी झाले तर, फिर्यादी यांच्या बहिणीची सहा वर्षीय मुलगीचा मृत्यू झाला आहे.

 शिक्रापूर  प्रतिनिधी: शिक्रापूर पोलीस स्टेशन हद्दीतून अनेक ठिकाणी चोऱ्यांचे प्रमाण वाढत असताना शेकडो दुचाक्या वर्षभरात चोरीला गेलेल्या असताना आता चक तळेगाव ढमढेरे पोलीस चौकीसमोरुनच एका इसमाची दुचाकी चोरीला गेल्याची घटना घडली असल्याने शिक्रापूर पोलीस स्टेशन येथे अज्ञात चोरट्यावर गुन्हे दाखल करण्यात आले आहे. तळेगाव ढमढेरे ता. शिरुर संजय दगडे हे काही कामानिमित्त गावात आलेले असताना त्यांनी त्यांची एम एच १२ जे ई ३५२९ हि दुचाकी पोलीस चौकी शेजारील ग्रामपंचायत कार्यालय जवळ अमर ज्योत मित्र मंडळ समोर लावली होती, थोड्या वेळाने दगडे हे त्यांचे काम आटपून पुन्हा त्या ठिकाणी आले असताना त्यांना त्यांची दुचाकी दिसून आली नसल्याने त्यांनी शेजारी, आजूबाजूला सर्वत्र दुचाकीचा शोध घेतला मात्र दुचाकी दिसली नसल्याने आपली दुचाकी चोरीला गेल्याची खात्री झाल्याने संजय विठ्ठल दगडे वय ३० वर्षे रा. बेलदारवाडी तळेगाव ढमढेरे ता. शिरुर जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यावर गुन्हे दाखल केले असून सदर गुन्ह्याचा पुढील पोलीस हवालदार जितेंद्र पानसरे हे...

लोणी काळभोर प्रतिनिधी: उरुळी कांचन येथील संतोष जगताप यांचेवर करण्यात आलेल्या गोळीबार प्रकरणातील मुख्य सुत्रदाराच्या मुसक्या आवळण्यात लोणी काळभोर पोलिसांना यश मिळाले असून त्यास न्यायालयाने दहा दिवसाची पोलीस कोठडी सुनावली असल्याची माहिती वरिष्ठ पोलीस निरीक्षक राजेंद्र मोकाशी यांनी दिली. लोणी काळभोर पोलिसांनी दिलेल्या प्रसिद्धी पत्रकात सांगितले की, पुणे सोलापूर महामार्गावर उरुळी कांचन येथे वाळू व्यावसायिक संतोष जगताप यांचेवर गोळीबार करण्यात आला यात जगताप जागीच ठार झाला तर दोन  अंगरक्षक गंभीर जखमी झाले तर प्रत्युत्तरादाखल जगताप यांच्या अंगरक्षकानी गोळीबार केला त्यात एक हल्लेखोर जागीच ठार झाला तर अन्य पळून गेले होते त्यापैकी पवन मिसाळ व महादेव आदलिंग या दोघांना पळसदेव येथून अटक करण्यात आली होती त्यांच्याकडून मिळालेल्या माहिती वरून या हल्ल्यात मुख्य सूत्रधार उमेश सोपान सोनवणे रा राहू ता दौड हा मात्र हाती लागला नव्हता यावर वरिष्ठ पोलीस निरीक्षक मोकाशी यांनी सोनवणे यास पकडण्यासाठी तपास पथकास सुचना दिल्या. तपास पथकाचे प्रमुख सहाय्यक पोलीस निरीक्षक राजू महानोर यांना बातमीदाराकडून माहिती मिळा...

  मंचर प्रतिनिधी: राज्य सरकार व राष्ट्रवादी काँग्रेस पक्षापुढे जेव्हा जेव्हा अडचणी उभ्या राहतात. तेव्हा तेव्हा संकटमोचक म्हणून दिलीप वळसे पाटील उभे राहतात. दिलीपराव वळसे पाटील एकमेव मंत्री आहेत की ज्यांना न मागता गृहमंत्रीपद मिळाल्याचे राज्यातील जनतेने पहिले आहे. ते माझे आधारस्तंभ आहेत, त्यांच्या कामाची पद्धत आमच्यासारख्या नवोदित आमदारांना प्रेरणा व प्रोत्साहन देणारी आहे,” असे आमदार अतुल बेनके यांनी सांगितले. आंबेगाव तालुक्यातील मंचर येथे दिलीप वळसे पाटील यांच्या वाढदिवसानिमित्त सर्वरोग निदान शिबिर सांगता समारंभ व गरजू मुलांना शालेय साहित्य वाटपप्रसंगी बेनके बोलत होते.  यावेळी मावळ चे लोकप्रिय आमदार सुनिलआण्णा शेळके, पारनेरचे लोकप्रिय आमदार निलेश लंके, शरद सहकारी बँकेचे अध्यक्ष देवेंद्रशेठ शहा, भीमाशंकर सहकारी साखर कारखान्याचे संचालक बाळासाहेब बेंडे, राष्ट्रवादी काँग्रेस आंबेगाव तालुका अध्यक्ष विष्णूकाका हिंगे, कृषी उत्पन्न बाजार समिती सभापती देवदत्त निकम, नगरसेवक गणेशजी खांडगे, जि.प.सदस्य विवेकदादा वळसे पाटील, पंचायत समिती सभापती संजय गवारी, जिल्हा परिषद सदस्या अरुणाताई थोरात...

  आंबेगाव तालुक्यात आज दिनांक 30 ऑक्टोबर 2021 रोजी 3 गावात मिळाले 6 कोरोना बाधित रुग्ण  निघोटवाडी 3 अवसरी खु 2 खडकी पिंपळगाव 1 _____________________ आतापर्यंतचे एकूण रुग्णांची संख्या 17379 मयत रुग्णांची संख्या 405 आतापर्यंत बरे होऊन घरी गेलेल्या रुग्णांची संख्या 16931 उपचार घेत असलेल्या रुग्णांची संख्या 43

प्रतिनिधी : जुन्नर श्री क्षेत्र पारुंडे ता. जुन्नर येथील अखिल भारत वर्षीय अवधूत भेष बारह पंथ योगी महासभेचे श्री ब्रह्मनाथ मठाचे मठाधिपती अजयनाथ गुरुपीर शेरनाथ यांनी पाचव्या दिवशी(शुक्रवार , ता.३०) रोजी रात्री आपले उपोषण मागे घेतले. पारुंडे येथील ब्रह्मनाथ व ज्वालानाथ यांचे समाधी मंदिर गावच्या ट्रस्ट मधून मुक्त करून अवधूत भेष बारह पंथ योगी महासभेकडे सुपूर्द करावे. जुन्या गोशाळेची जमीन मोकळी करून तेथे गोशाळा बांधण्यासाठी पाच लाख रुपये अनुदान द्यावे. सर्व ग्रामस्थांच्या संमतीने मठाधिपती यांच्या अध्यक्षतेखाली नवीन विश्वस्त मंडळ नियुक्ती करण्यात यावी या तीन प्रमुख मागण्यांसाठी सोमवार ता.२५ पासून त्यांनी आमरण उपोषण सुरू केले होते.

प्रतिनिधी : पिंपरी दुचाकीवरचा प्रवास आधीच खड्डे आणि रस्त्यांच्या कामकाजामुळे जीवघेणा झाला आहे. त्यात मेट्रोचे काम सुरु आहे. रस्त्यावर ठिकठिकाणी खोदाई सुरु आहे. रस्ता अरुंद झाला आहे. बीआरटीतून वाहनांना प्रवास करण्याची वेळ येत आहे , अशा परिस्थितीत बोपोडी जुना जकात नाका या ठिकाणी १९ वर्षाच्या चिन्मय वाखारेचा दुचाकीवरुन प्रवास करत असताना मांजाने गळा चिरला आहे. दैव बलवत्तर म्हणून तो अपघातातून बचावला आहे. परंतु , मांजावर बंदी घालावी अन्यथा , प्रशासनाने पतंगबाजी करणाऱ्यांवर त्वरित कारवाई करण्याची मागणी त्यांच्या कुटुंबीयांनी केली आहे. फुगेवाडी श्री स्वामी समर्थ नगरमध्ये राहणारे वाखारे कुटुंब. दिवाळीची खरेदी करण्यासाठी चिन्मय शुक्रवारी (ता.२८) पुण्यात गेला होता. सध्या तो मेकॅनिकल इंजिनिअरिंगला आहे. कुटुंबात तो एकुलता एक आहे. पुण्याहून फुगेवाडीकडे घराच्या दिशेने तो निघाला होता. रस्त्याने आनंदात त्याचा प्रवास सुरु होता. मात्र , सायंकाळी ६.३० वाजता बोपोडी रेल्वे क्रॉसिंग नजीक चिन्मयचा जीव जाता-जाता वाचला. मांजाने गळा खोलवर चिरला. त्वरित त्याला खासगी व खडकी कॅटोन्मेंटच्या दवाखान्यात दाखल गेले....

प्रतिनिधी :शिर्डी शिर्डी शहरात अवैध गुटखा विक्री मोठ्या प्रमाणावर सुरू आहे. याकडे अनेक वेळा लक्ष वेधल्यानंतर अन्न आणि औषध प्रशासन आणि प्रतिबंधित हिरा पान मसाला व इतर तंबाखूजन्य पदार्थ विक्री करणाऱ्यास शिर्डीतून पकडले असून त्याच्याकडून बारा हजार रुपयांचा माल जप्त करण्यात आल्याची माहिती अन्न सुरक्षा अधिकारी राजेश बढे यांनी दिली. शिर्डी पोलीस ठाण्यात गुन्हा रजिस्टर नंबर ३४३ / २०२१ अन्वये गुन्हा दाखल करण्यात आला आहे. दिलेल्या फिर्यादीत म्हटले आहे की आशिष अशोकलाल खाबिया वय ३० शिर्डी हा गेल्या अनेक दिवसापासून शिर्डी परिसरात गुटखा साठा करून विक्री करत असल्याची तक्रार आल्याने आशिष खाबिया याच्या घरी छापा टाकून १२ हजाराचा मुद्देमाल जप्त केला असून त्याच्या विरोधात शिर्डी पोलीस ठाण्यात विविध कलमान्वये गुन्हा दाखल करण्यात आला आहे. रविवार दिनांक २४ ऑक्टोंबर रोजी   सकाळी आठ वाजेच्या सुमारास सुरक्षा व मानके कायद्यांतर्गत काम काजासाठी आशिष अशोक लाल खाबिया यांचे भाडेतत्त्वावरील राहते घरी अन्नसुरक्षा अधिकारी राजेश बडे सहाय्यक  कसबेकर , पंच अमोल बडे यांनी समक्ष आशिष खाबिया हजर असताना त्याची च...

प्रतिनिधी : राहुरी गाय चे दूध काढण्याच्या कारणावरून वाद झाला. त्यामध्ये मुलाने वयोवृद्ध असलेल्या जन्मदात्या बापाला बांबूने जबरदस्त मारहाण करून जिवे ठार मारल्याची घटना राहुरी तालुक्यातील ताहराबाद येथे दिनांक २७ ऑक्टोबर रोजी घडली. घटनेनंतर पोलिसांनी आरोपीला तात्काळ ताब्यात घेऊन गजाआड केले. या घटनेतील मयत विठ्ठल तुळशीराम हारदे य ७२ वर्षे हे राहुरी तालूक्यातील ताहराबाद येथे आपल्या कुटूंबासह राहत होते. त्यांचा मुलगा आरोपी ज्ञानेश्वर विठ्ठल हारदे हा शुल्लक कारणावरून नेहमी भांडणे करीत असे.  काल रात्री साडेआठ वाजेच्या सुमारास यातील आरोपी ज्ञानेश्वर हारदे हा दारु पिवुन घरी आला होता. त्याचे व त्याची पत्नी सविता यांच्यात गाय पिळण्याच्या कारणावरून वाद चालू होते. त्यावेळी त्याचे वडील विठ्ठल तुळशीराम हारदे हे आरोपी ज्ञानेश्वर हारदे यास म्हणाले की , तु नेहमीच दारु पित असतो. आणि शुल्लक कारणावरून भांडण करत असतोस. असे म्हणालेचा त्याला राग आल्याने तो त्याचे वडील विठ्ठल हारदे यांना म्हणाला की , तुम्ही नेहमीच माझ्या कामात अडथळा करतात. आज तुम्हाला संपवुन टाकतो. असे म्हणून जवळच पडलेला बांबू घेवून विठ...

मुंबई प्रतिनिधी: राज्यातील एसटी महामंडळ राज्य शासनात विलीन करण्याच्या आणि आर्थिक समस्येमुळे होणाऱ्या एसटी कर्मचाऱ्यांच्या आत्महत्या रोखण्याच्या मागणीसाठी राज्यातील काही एसटी आगारांत कामगारांनी शुक्रवारीही काम बंद आंदोलन सुरु ठेवले. त्यामुळे ३४ आगारांतील बस सेवा ठप्प झाली. त्यामुळे ऐन सणासुदीच्या दिवसांत प्रवाशांना खासगी वाहतुकीने प्रवास करून आर्थिक भुर्दंड सोसावा लागत आहे. राज्यातील एसटी महामंडळाच्या कर्मचाऱ्यांचे भत्ते वाढवल्याने कामगार संयुक्त कृती समितीने उपोषण मागे घेतल्याचे गुरुवारी रात्री जाहीर केल्यानंतरही शेवगाव (जि. नगर) आगारामध्ये एका कर्मचाऱ्याने आत्महत्या केल्याची घटना घडली. याची माहिती मिळताच कर्मचारी अधिकच आक्रमक झाले आणि त्यांनी काही आगारातील काम बंद केले. त्यामुळे आगारे बंद करणाऱ्या कर्मचाऱ्यांवर बडतर्फीची कारवाई करण्याचे आदेश महामंडळाने दिले आहेत. कर्मचाऱ्यांना महागाई भत्ता , घरभाडे भत्त्यात वाढ यांसह काही मागण्यांसाठी मान्यताप्राप्त एसटी कामगार संघटनेसह एसटीतील बहुतांश संघटनांनी कृती समिती स्थापन करून बेमुदत उपोषण केले. त्यामुळे एसटीच्या २५० पैकी १९० आगारांतील क...

समर्थ भारत न्यूज नेटवर्क: दिवाळीच्या पार्श्वभूमीवर , मोठी मंडळी खरेदी करण्यात व्यस्त तर महिला साफसफाई , फराळ बनवण्याच्या गडबडीत असतानाच बालगोपाळ किल्ले बनवण्यात मग्न झाले आहेत. आजच्या स्मार्ट युगातील या किल्लेदारांची तोफा , हत्ती , घोडे , मावळे तयार झाले असून घोडेगाव येथील बाजारात विक्रीसाठी दाखल झाले आहेत. घोडेगाव (ता. आंबेगाव) येथील कुंभार आळीमध्ये करागिर हजारोंच्या संख्येने किल्ल्यावरील मूर्ती , चित्रे तयार करतात. घोडेगाव व पंचक्रोशीत तयार होणा-या चित्रांना पुणे जिल्हयात मोठया प्रमाणात मागणी असते. रेखीव सुबक आकर्षक तसेच योग्य रंगसंगतीचा वापर करून चित्रे तयार केली जातात. शिवाजी महाराज , मावळे , सैनिक , वाघ , हत्ती , तोफा , उंट , घोडे आदिंचा संच २०० रूपयांना उपलब्ध आहे. तसेच या चित्रांबरोबर देवदेवतांची चित्रे , मुर्ती तयार करण्यात आली आहेत. दिवाळीची सुरू होताच दगड , माती , मावळे , शिवाजी महाराज यांची जमवाजमव करणारी शाळकरी मुले आता फक्त ग्रामीण भागातच दिसुन येत आहे. तर शहरी भागात मुलांना किल्ले बनविण्याची हौस असली तरी अलीकडे माती उपलब्ध होत नाही. सोसायटीच्या पार्कींगमध्ये मुलांनी...

पुणे प्रतिनिधी: पुणे , कॅडेलिया क्रुझ पार्टी दरम्यान अभिनेता शाहरुख खानचा मुलगा आर्यन खान सोबत सेल्फी घेणारा , या प्रकरणात एनसीबीचा साक्षिदार असणाऱ्या किरण गोसावीला पुणे पोलिसांनी अटक केली आहे.   कात्रज-मांगडेवाडी येथील एका लॉजमधून पहाटे साडेतीन वाजता त्याला ताब्यात घेण्यात आले. दरम्यान सोमवारी पुणे पोलिसांचे एक पथक त्याचा माग काढत लखनौमध्ये गेले होते. तेथून त्याने पोलिसांना गुंगार देत पळ काढला होता. गोसावी मागील काही दिवस वृत्त वाहिण्यांच्या संपर्कात होता. तो सातत्याने वृत्त वाहिण्यांना बाईट देत शरण येत असल्याचे सांगत होता. मात्र ही शरणागती महाराष्ट्राबाहेर पत्करणार असल्याचे जाहिर केले होते. त्याच्या मागावर पुणे पोलिस आणी गुन्हे शाखेची पथके होती. त्याला अटक केल्याची माहिती पोलीस आयुक्त अमिताभ गुप्ता यांनी पत्रकार परिषदेत दिली. यावेळी अपर पोलीस आयुक्त(गुन्हे) रामनाथ पोकळ , उपायुक्त(गुन्हो) श्रीनिवास घाडगे , सहायक पोलीस उपायुक्त लक्ष्मण बोऱ्हाटे उपस्थित होते.

शिरूर प्रतिनिधी: पिंपरखेड ता शिरूर येथील  बँक ऑफ महाराष्ट्र बँकेवर टाकलेला २ कोटींपेक्षा अधिक रकमेचा सशस्त्र दरोडा स्थानिक गुन्हे शाखेकडून उघडकीस आणला असून यातील २ कोटी १९ लाख किंमतीचे ७ किलो ३२ तोळे दागिने व १८ लाख रोख रक्कम पोलिसांनी हस्तगत केली असून या प्रकरणी ५ आरोपींना अटक करण्यात आली आहे. दि. २१/१०/२०२१ रोजी दुपारी शिरूर पोलीस स्टेशन हद्दीतील पिंपरखेड गावचे हद्दीत बँक ऑफ महाराष्ट्र, पिंपरखेड शाखेमध्ये पाच अनोळखी इसमांनी येऊन कॅशियर, बँकेच्या कर्मचारी व हजर ग्राहकांना हातातील पिस्तुलचा धाक दाखवून कॅशियर यास हाताने मारहाण करून जीवे मारण्याची धमकी देवून नमूद बँकेतील रू. ३२,५२,५६०/- रोख रक्कम व रू. २,४७,२०,३९०/- किंमतीचे ८२४ तोळे असे एकूण २,७९,७२,९५०/- सोन्या-चांदीचे दागिने व रोख रक्कम दरोडा टाकून चोरुन नेले बाबत शिरुर पोलीस स्टेशन येथे गुन्हा नोंद झाला होता. सदर गुन्हा गंभीर स्वरुपाचा असल्याचे सदर गुन्हयाचे ठिकाणी विशेष पोलीस महानिरीक्षक मनोज लोहिया कोल्हापूर परिक्षेत्र, पुणे ग्रामीण पोलीस अधीक्षक डॉ. श्री. अभिनव देशमुख, अपर पोलीस अधीक्षक  मिलिंद मोहिते , उपविभागीय पोलीस अध...

खेड प्रतिनिधी: खेड तालुक्यातील कडुस येथील पानमंदवाडी , कारामळी परिसरात शुक्रवारी पहाटेच्या सुमारास अज्ञात चोरट्यानी सुमारे दहा घरे आणि दुकाने फोडत रोख रक्कम पळवून नेल्याने परिसरात भितीचे वातावरण पसरले आहे. कडूस सोपान सिताराम पानमंद , दत्तु पानमंद , दत्तात्रेय पानमंद , रामभाऊ पानमंद , तर कारामळी परिसरातील दिपक काळोखे , दिलीप काळोखे , रविंद्र धोडिभाऊ गारगोटे , आदी नागरिकांची बंद असलेली घरे टारगेट करून फोडली आहेत. घटना कळताच पोलिस पाटील सुशिल पोटे , नवनाथ काळोखे , यांनी भेट देऊन पहाणी केली. रात्री १२ वाजल्यानंतर ते पहाटेच्या सुमारास परिसरात बंद असलेल्या घरांचा दरवाजा व कडी कोयंडा कटावणीने तोडून चोरट्यांनी घरातील कपाटांची सामान