समर्थ भारत

शिरूर  प्रतिनिधी: गेल्या दोन दिवसांपासून बेपत्ता असलेल्या येथील तरूण बांधकाम व्यावसायिकाचा मृतदेह आज (ता. २९) सकाळी, पुणे - नगर रस्त्यावरील नारायणगव्हाण (ता. पारनेर) शिवारातील विहिरीत आढळून आल्याने व त्याच्या चेह-यावर आणि शरीरावर मारहाणीच्या खूणा आढळून आल्याने खळबळ उडाली. 'आमच्या मुलाचा खून करून त्याला विहीरीत फेकून दिले असून, आरोपींना तात्काळ अटक करावी', या मागणीसाठी शिरूरमधील तरूणांनी व मृत बांधकाम व्यावसायिकाच्या नातेवाईकांनी सुमारे दोन तास पुणे - नगर रस्ता रोखून धरल्याने नारायणगव्हाण परिसरात मोठा गोंधळ झाला. आदित्य संदीप चोपडा (वय २४, रा. हुडको वसाहत, शिरूर) असे मृत बांधकाम व्यावसायिकाचे नाव आहे. त्याच्या कुटूंबियांनी दिलेल्या माहितीनूसार, आदित्य सोमवारी (ता. २७) कडूस या मूळगावी गेला होता. तेथून परतताना रात्री सात वाजण्याच्या सुमारास त्याने कुटूंबियांशी संपर्क साधून बेलवंडी फाटा येथे असल्याचे सांगितले. मात्र, त्यानंतर त्याचा संपर्क झाला नाही. रात्री आठ नंतर त्याचा मोबाईलही बंद लागल्याने त्याच्या कुटूंबियांनी व हुडको परिसरातील तरूणांनी बेलवंडी फाटा, वाडेगव्हाण, नारायणगव्हाण ...

 आंबेगाव तालुक्यात आज कोरोनाचे 27 रुग्ण आढळेल असून आजपर्यंत 16094 रुग्ण उपचार घेऊन सुखरूप घरी पोहोचले आहेत.  गावनिहाय रुग्णसंख्या पुढीलप्रमाणे आहे. भोरवाडी 8  घोडेगाव 4  मंचर 4 लांडेवाडी चिंचोडी 4  अवसरी खुर्द 2  पेठ 1  मेंगडेवाडी 1  चांडोली बू 1 निघोटवाडी 1  महाळूंगे पडवळ 1 ------------------------------ एकूण रुग्ण                        16723 डिस्चार्ज                            16125 मयत                                     388 उपचार सुरू असलेले              210

शिरूर प्रतिनिधी: धामारी ता. शिरूर येथे रस्त्याच्या वादातून दोघा महिलेंना शिवीगाळ , दमदाटी करत महिलेंशी अश्लील वर्तन केल्याची घटना घडली असून शिक्रापूर पोलीस स्टेशन येथे शिवाजी शहाजी डफळ यांच्या विरुद्ध गुन्हे दाखल करण्यात आले आहे. धामारी ता. शिरूर येथील शिवाजी डफळ यांच्या रस्त्याच्या वाद सुरु असून शिवाजी डफळ हे २८ सप्टेंबर रोजी दारू पिऊन सदर रस्त्याने आले त्या ठिकाणी असलेल्या दोन महिलांना शिवीगाळ , दमदाटी करत अश्लील शब्दांत महिलांना डफळ यांनी शिवीगाळ केली , दरम्यान दोन्ही महिलेंसमोर शिवाजी डफळ यांनी अश्लील वर्तन देखील केले याबाबत महिलेने शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी शिवाजी शहाजी डफळ रा. धामारी ता. शिरूर जि. पुणे यांच्या विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार विजय चौधर हे करत आहे.  

शिरूर प्रतिनिधी: ट्रॅक्टर चोरून डिक्ससह टायरचीही चोरी करणाऱ्या आरोपींना शिरूर पोलिसांच्या चाणाक्ष नजरेने हेरले अन् आरोपींना गजाआड व्हावे लागले याबाबत पोलिसांनी दिलेल्या माहितीनुसार , शिरूर पोलिस स्टेशन हद्दीत सहायक पोलिस निरीक्षक किरण उंदरे हे सहकाऱ्यांसह रात्रीच्या वेळी गस्त घालत होते. यावेळी संशयित वाहनाची पोलिसांकडून तपासणी करत होते. याच दरम्यान एक बिगर नंबरचा ट्रॅक्टर न्हावरे फाटा येथे जात असल्याचा दिसून आला. यावेळी सहायक पोलिस निरीक्षक किरण उंदरे यांनी चालकाकडे विचारपूस केली. याचवेळी चालकाने उडवाउडवीची उत्तरे दिली. त्यामुळे पोलिसांना अधिक संशय आला. पोलिसांनी चालकास ताब्यात अधिक चौकशी केली असता , आरोपी संभाजी रामदास धरणे (रा. रामलिंग , शिरूर) याने सदर ट्रॅक्टर बकोरी , तालुका हवेली येथून चोरला असल्याचे सांगितले. तसेच रिलायन्स पेट्रोल पंपच्या मागे असणाऱ्या बालाजी मोटर गॅरेज येथून ट्रकचे दोन टायर डिक्स सह चोरले असल्याची माहिती पोलिसांना दिली. पोलिसांनी चोरलेला ट्रॅक्टर तसेच टायर असा मुद्देमाल जप्त केला असून , आरोपीवर लोणीकंद व शिरूर पोलिस स्टेशन येथे यापूर्वीचे चोरीचे गुन्हे दाखल असल्...

पुरंदर प्रतिनिधी: पुरंदर तालुक्यातील बेलसर-माळशिरस जिल्हा परिषद गटातील गावागावांत आपण अवघ्या १९ टक्के रकमेतून शेतकऱ्यांना पुरंदर उपसा सिंचन योजनेचे पाणी दिले. त्यामुळे अवघ्या काही वर्षांपूर्वी ओसाड असलेल्या या भागात आज हजारो एकर ऊस पाहायला मिळतोय. गावे सुधारली , तरीदेखील या भागातून आपल्याला समाधानकारक मतदान झाले नाही. आज मात्र संपूर्ण पुरंदर तालुका पश्चात्ताप व्यक्त करीत आहे. साध्या साध्या गोष्टीलासुद्धा आपल्या लोकप्रतिनिधीला इतरांचे उंबरे झिजवावे लागत आहेत. हा त्रास आपणच स्वतःला करवून घेतला आहे , अशी खंत माजी जलसंपदा राज्यमंत्री विजय शिवतारे यांनी व्यक्त केली. पिसर्वे (ता. पुरंदर) येथील कार्यक्रमात माजी मंत्री शिवतारे बोलत होते. या वेळी जिल्हा परिषद सदस्य दिलीप यादव , युवा सेनेचे अध्यक्ष मंदार गिरमे , सासवड शहरप्रमुख अभिजित जगताप , उमेश गायकवाड , रमेश इंगळे , माणिक निंबाळकर , गणेश मुळीक , सागर मोकाशी , सरपंच बाळासाहेब कोलते , रवींद्र कोलते , यांच्यासह मोठ्या संख्येने ग्रामस्थ उपस्थित होते. मी भगवा हाती घेतला , तेव्हा पुरंदर तालुक्यातील साधा ग्रामपंचायत सदस्यसुद्धा माझ्यासोबत नव्हता. क...

शिरूर प्रतिनिधी: शिरूर तालुक्यातील कान्हूर मेसाई येथील विद्याधाम माध्यमिक व उच्च माध्यमिक विद्यालय गेल्या १०३ दिवसांपासून ऑफलाईन पद्धतीने सुरू असून , कोरोनाला शाळेबाहेर ठेवण्यात विद्यालयाला यश आले आहे. सध्या विद्यालयात घटक संच चाचणी परीक्षा सुरू असून कोरोनाच्या पार्श्वभूमीवर संयोजन करून परीक्षा पार पडत आहे. प्रत्यक्ष शिक्षण मिळाल्यामुळे परीक्षेच्या काळातही विद्यार्थ्यांमध्ये उत्साहाचे वातावरण आहे. गेली दोन वर्षे कोरोनाच्या पार्श्वभूमीवर शाळा बंद करण्यात आल्या होत्या. पण ह्या विद्यालयात ग्रामस्थ व शिक्षकांच्या पुढाकाराने यावर्षी ही शाळा ऑफलाईन पद्धतीने सुरू ठेवण्यात यश आले आहे. प्रत्यक्ष शिक्षण मिळत असल्याने विद्यार्थी व शिक्षकांमध्ये एक भावनिक अतूट नाते निर्माण झाले आहे. कोरोनाच्या पार्श्वभूमीवर विद्यालयात ९८% उपस्थिती असते. यावेळी विद्यार्थ्यांची दररोज आरोग्य तपासणी केली जाते. यापूर्वी पुण्यातील जहाँगिर हॉस्पिटलच्या माध्यमातून दोन वेळा सर्व विद्यार्थ्यांची मोफत आरोग्य तपासणी केली आहे. विद्यालयाने स्पर्धा परीक्षेची तयारी करणाऱ्या परिसरातील युवकांसाठी स्वतंत्र अभ्यासिका सुरू केली असून ,...

कोल्हापूर प्रतिनिधी: जंगलात आणि शेतात दिसणारा बिबट्या आता थेट घरात दिसायला लागल्यावर तुम्हालाही भिती वाटेल. पण असाच धक्कादायक प्रकार कोल्हापूरमध्ये समोर आला आहे. कुत्र्याचा पाठलाग करत बिबट्या थेट किचनमध्ये शिरला. हे पाहून सगळ्यांनाच घाम फुटला होता. कोल्हापूर जिल्ह्यातील चंदगड तालुक्यातील तिलारीनगरजवळ असलेल्या कळसगादे पैकी बांदराई धनगरवाड्यात ही घटना मंगळवारी रात्री घडली. मिळालेल्या माहितीनुसार , कुत्र्याच्या मागे मागे बिबट्या घरात शिरला. घरतल्या काही लोकांनी हे पाहिलं आणि तातडीने कुटुंबियांना बाहेर काढलं. इतकंच नाहीतर मुख्य दारालाही कडी लावली. याची माहिती लगेच वनखात्याला देण्यात आली. बिबट्याला पकडण्यासाठी पिंजरा आणला. पण पाऊस , दाट धुक्याचा आधार घेत बिबट्या पसार झाला. रामु भागु लांबोर यांच्या घरात कुत्र्याचा पाठलाग करत शिरलेल्या बिबट्याने सहा तास नागरिकांचा श्वास रोखून धरला. प्रंसगावधन राखून लांबोर यांनी बाहेर पडून दाराची कडी लावल्याने अनर्थ टळला. कळसगादे पैकी बांद्राईवाडा येथे मंगळवार रात्री नऊ वाजण्याच्या सुमारास पुर्ण वाढीचा बिबट्या भक्षाच्या शोधात आला. रामु लांबोर यांच्या दारात ...

पुणे प्रतिनिधी: पर्यावरण मंत्री आदित्य ठाकरे यांनी   महाराष्ट्र औद्योगिक विकास महामंडळाच्या चिंचवड वसाहतीतील कायनेटीक ग्रीन एनर्जी अँड पॉवर सोल्यूशन लिमिटेड या इलेक्ट्रिक वाहन उत्पादन करणाऱ्या कंपनीस भेट देवून वाहनांची माहिती घेतली. यावेळी पर्यावरण राज्यमंत्री संजय बनसोडे , माजी गृहनिर्माण राज्यमंत्री सचिन अहिर , कंपनीचे अध्यक्ष पद्मश्री अरुण फिरोदिया , कार्यकारी संचालक अजिंक्य फिरोदिया , मुख्य कार्यकारी अधिकारी सुलेजा फिरोदिया आदी   उपस्थित होते. पर्यावरण मंत्री श्री.ठाकरे यांनी इलेक्ट्रिक वाहन उत्पादन खर्च , वाहनाचा दर्जा , बॅटरी क्षमता , उत्पादन कालावधी , चार्जिंग कालावधी आदी माहिती जाणून घेतली.   ते म्हणाले , इलेक्ट्रिक वाहन उत्पादन करणाऱ्या कंपनीस शासन प्रोत्साहन देत असून भविष्यात इलेक्ट्रिक वाहन वापरण्यास प्राधान्य देण्यात येणार आहे. यामुळे प्रदूषण कमी होण्यास मदत होईल. पर्यावरण मंत्री श्री. ठाकरे यांच्या हस्ते कंपनी आवरात वृक्षारोपण करण्यात आले.

भाम प्रतिनिधी: वाघोली , हवेली तालुक्‍यातील १६ गावातील शेत जमिनीवर टाकलेले शेरे त्वरित हटवण्यासाठी जिल्हाधिकारी डॉ.राजेश देशमुख यांची भेट घेऊन मागणी करण्यात आली. यावेळी जिल्हाधिकारी साहेबांनी सकारात्मक प्रतिसाद देत शेरे हटविण्याच्या प्रस्तावाची प्रक्रिया पुढील दोन दिवसात पूर्ण करण्यात येणार असल्याचे सांगितले अशी माहिती शिरूर-हवेलीचे आमदार अशोक पवार यांनी दिली. भामा-आसखेड धरणाचा डावा कालवा केवळ कागदोपत्रीच असल्याने व धरणाचे पाणी हवेली तालुक्यातील १६ गावांना मिळणार नसल्याने विभागीय कार्यालयाकडे संबंधित गावातील शेतकऱ्यांच्या सातबारा उताऱ्यावरील शेरे हटवण्यासाठी मागणी केली होती. या मागणीला जिल्हाधिकारी कार्यालयाने सकारात्मक प्रतिसाद देत प्रक्रिया सुरू केली आहे. त्यामुळे १६ गावातील नागरिकांना मोठा दिलासा मिळेल असा विश्वास आमदार पवार यांनी व्यक्त केला आहे.

पुणे प्रतिनिधी: शिवाजीनगर येथील खुडे ब्रिजखाली एका अज्ञात इसमाचा मृतदेह सापडला होता. वैद्यकीय अहवालानुसार या इसमाचा मृत्यू झाल्याचे आढळून आले. दरम्यान , या खूनाची बातमी देणारेच या खूनी असल्याचे तपासातून समोर आले आहे. शिवाजीनगर पोलिसांनी हा प्रकार उघडकीस आणत दोघांना ताब्यात घेतले आहे.महेश शिवाजी देव उर्फ तंबी (वय 30 , रा. खुडे ब्रिजजवळ शिवाजीनगर , पुणे) आणि आकाश प्रकाश यादव (वय 33 , रा. नवी शनिवार पेठ , पुणे) असे याप्रकरणी ताब्यात घेतलेल्या दोन आरोपींची नावे आहेत. पोलिसांनी दिलेल्या माहितीनुसार , अज्ञात इसमाचा झालेल्या खूनाचा तपास सुरू केल्यानंतर 255 सीसीटीव्ही फुटेज बघुन , तांत्रिक विश्लेषणाद्वारे तसेच रस्त्यावर कचरा वेचणारे , भंगाराचे दुकानदार , भीक मागणारे तसेच गोपनीय बातमीदार असे तब्बल 70 ते 75 लोकांकडे चौकशी केली. परंतु कोणतेही धागेदोरे हाती आले नाहीत. तपास किचकट होत जात असताना काही प्रत्यक्षदर्शी साक्षीदार यांनी दिलेल्या माहितीनुसार आरोपींना ताब्यात घेऊन चौकशी केली. चौकशीअंती आरोपींनी केलेल्या गुन्ह्याची कबुली दिली.

बारामती प्रतिनिधी: वस्तू व सेवा करप्रणालीतील (जीएसटी) त्रूटी दूर करुन ती सहज , सोपी करण्यासंदर्भात सुधारणा सुचविण्यासाठी महाराष्ट्राचे उपमुख्यमंत्री अजित पवार यांच्या अध्यक्षतेखाली विविध राज्यांच्या उपमुख्यमंत्री व अर्थमंत्र्यांचा मंत्रिगट स्थापन करण्यात आला आहे.मंत्रीगटाने शिफारस केलेल्या आणि जीएसटी परीषदेने मंजूर केलेल्या सुधारणांच्या अंमलबजावणीवर देखील हाच मंत्रिगट देखरेख ठेवणार आहे. केंद्रीय अर्थमंत्रालयाने त्यासंदर्भातील आदेश नुकतेच जारी केले. उपमुख्यमंत्री अजित पवार यांच्या अध्यक्षतेखाली स्थापन करण्यात आलेल्या मंत्रीगटात दिल्लीचे उपमुख्यमंत्री मनिष सिसोदीया , हरयाणाचे उपमुख्यमंत्री दुष्यंत चौताला , आंध्रप्रदेशचे अर्थमंत्री बुग्गना राजेंद्रनाथ , आसामचे अर्थमंत्री अजंटा निओग , छत्तीसगडचे व्यापार करमंत्री टी. एस. सिंगदेव , ओडीसाचे अर्थमंत्री निरंजन पुजारी , तामिळनाडूचे अर्थमंत्री डॉ. पलानीवेल थैगाराजन यांचा समावेश आहे. हा मंत्रीगट सध्याची , जीएसटी भरण्याची प्रक्रीया अधिक सुलभ करणे , करदात्यांनी दिलेल्या माहितीची पडताळणी करणे , करवसुलीतील गैरप्रकार थांबवणे , माहिती-तंत्रज्ञानाचा ...

पुणे प्रतिनिधी: पुणे दि. 29 : राज्य शासन महिलांच्या सुरक्षेला सर्वोच्च प्राधान्य देत असून महिलांवरील अत्याचाराच्या घटना ही चिंतेची बाब आहे. महिलांवरील अत्याचार करणाऱ्या गुन्हेगारांवर वाचक ठेवणे आवश्यक आहे. महिला सुरक्षेबाबत पोलीस प्रशासन , महिला दक्षता समिती तसेच महिलांच्या प्रश्नासंदर्भात काम करणाऱ्या सामाजिक संघटना यांची कामगिरी महत्त्वपूर्ण ठरणार आहे , असे प्रतिपादन विधान परिषदेच्या उपसभापती निलमताई गोऱ्हे यांनी दिले. शासकीय विश्रामगृह येथे महिला सुरक्षेबाबत आयोजित बैठकीत त्या बोलत होत्या. यावेळी पोलीस आयुक्त अमिताभ गुप्ता , पिंपरी चिंचवडचे पोलीस आयुक्त कृष्ण प्रकाश , पुण्याचे सहपोलीस आयुक्त डॉ. रवींद्र शिसवे , पोलीस अधीक्षक डॉ. अभिनव देशमुख उपस्थित होते. गोऱ्हे म्हणाल्या , साक्षीदार संरक्षण कायद्याची कडक अंमलबजावणी करावी. महिलांना होणाऱ्या त्रासबाबत त्वरित माहिती मिळावी यासाठी सीसीटीव्ही संख्या वाढविणे , गस्त वाढविणे , वारंवार घटना घडणाऱ्या ठिकाणी पथदिव्यांची सोय करणे गरजेचे आहे. महिला सुरक्षिततेच्यादृष्टीने याबाबतची प्रभावी अंमलबजावणी   आवश्यक आहे. पॉक्सो कायद्याअंतर्गत ...

आंबेगाव तालुक्यात आज कोरोनाचे 23 रुग्ण आढळेल असून आजपर्यंत 16094 रुग्ण उपचार घेऊन सुखरूप घरी पोहोचले आहेत.  गावनिहाय रुग्णसंख्या पुढीलप्रमाणे आहे. मंचर.                                      16 अवसरी बु।                              03                                       चांडोली बु.                               01                                                                                              ...

पारगाव शिंगवे प्रतिनिधी: आंबेगाव तालुक्यातील  शिंगवे येथील  ग्रामपंचायतच्या माध्यमातून घरपट्टी पाणीपट्टी वेळेत भरणाऱ्या ग्रामस्थांना मोफत बकेट देण्याची संकल्पना राबवण्यात आली. यामध्ये ज्या खातेदाराचे सर्व ग्रामपंचायत कर व ग्रामपंचायतची कुठलीही थकबाकी नसलेल्या ग्रामस्थांना भेट म्हणून बकेटचे वाटप करण्यात आले,असल्याची माहिती शिंगवे गावचे सरपंच सिता राम पवार , उपसरपंच संतोष नामदेव वाव्हळ यांनी दिली.   हि संकल्पना राबवत असताना घरीपट्टी पाणीपट्टी  वसुल होण्यास मदत होणार असल्याचे  माहिती शिंगवे ग्रामविकास अधिकारी यू. ऐ. शिंगाडे यांनी दिली. यावेळी ग्रामपंचायत सदस्य हिरामण गोरडे, खंडु वाव्हळ, ग्रामपंचायत कर्मचारी, ग्रामस्थ उपस्थित होते.  ही संकल्पना राबवण्यात आल्यामुळे सर्वच स्तरावर शिंगवे ग्रामपंचायतचे कौतुक होत आहे.

मंचर प्रतिनिधी: मंचर पोलिसांनी मंचर येथील छत्रपती शिवाजी चौकातील मोमिन गल्ली येथे धाड टाकत अंदाजे पाच हजार रुपये किमतीचे 370 ग्रॅम गांजा जप्त केला आहे. पोलीस नाईक राजेंद्र हिले यांनी तक्रार दाखल केली आहे. मंचर पोलिस निरीक्षक सतीश होडगर यांना बातमी दाराकडून मिळालेल्या माहितीनुसार पोलीस सहाय्यक उपनिरीक्षक आरबी बांबळे , पोलीस सहाय्यक उपनिरीक्षक रुपाली पवार , पोलीस नाईक राजेंद्र हिले , पोलीस जवान एस.एन.नाडेकर , एस.एस.माताडे , एस.एन.शिंदे यांनी कारवाई साठी लागणारे साहित्य घेऊन दि.24 रोजी संध्याकाळी साडेपाचच्या सुमारास गेले असता छत्रपती शिवाजी चौकातील मोमीनगल्ली येथे इमारतीच्या पार्किंगमध्ये सलमान हसन सय्यद (वय 26) याच्याकडे पारदर्शक पिशवीमध्ये हिरव्या रंगाचा गांजा आढळून आला , आढळून आलेला गांजा हा 370 ग्रॅम अंदाजे पाच हजार रुपये किमतीचा आहे , विरोधात गुन्हा दाखल करण्यात आला असल्याची माहिती पोलीस निरीक्षक सतीश होडगर यांनी दिली आहे.